Tơdroăng ki kal ai vâ chê 100 kăn teăng mâ teăng mâu Khu xiâm, kơvâ cheăng Tíu xiâm tơnêi têa rơtế pơlê pơla khu tê mơdró a kong pơlê Dak Lak. Ƀă tơmeăm kơphế lối 560 rơpâu tâ̆n, tiu 84 rơpâu tâ̆n, sầu riêng 400 rơpâu tâ̆n ƀă ká xi xŏng vâ chê 51 rơpâu tâ̆n rêm hơnăm, kong pơlê Dak Lak ai tơmeăm hên, tơxâng tơdroăng kal vâ uâ bro, tê ƀă tê ngi kong têa ê.

Laga, tơdroăng tê ngi kong têa ê mâu kế tơmeăm pêi lo ing chiâk deăng, ká xi xŏng ki xiâm dêi kong pơlê xuân tơkŭm ki hên cho mâu kong têa môi tiah Sinuâ, Mih, Nhuk, Hàn Quốc ƀă EU… Tung pơla mê, kơchơ tê mơdró mâu kong têa tiô Khôp Islam, mê cho kơpong Arab, Malaysia, Indonesia… bu châ tá hâi troh 9% tơmeăm tê ngi kong têa ê dêi Dak Lak.

Môi tung mâu tơdroăng ki xiâm cho xua khu mơdró kâ Việt Nam ối ôh tá 'nâi nhên 'na tơdroăng kal vâ dêi kơchơ tê mơdró Halal, mâu tơdroăng pơkâ ƀă tơdroăng pơkâ Halal vâ tơxâng tơdroăng kal vâ tê ngi kong têa ê.