Maluâ ti mê, a rôh hôp mơgêi tơdroăng pêi pro Tơdroăng mơnhông ôm hyô, Vi ƀan kong pơlê Khánh Hòa tối ối hên tơdroăng ki tá hâi pêi pro klêi tung mơnhông tơmeăm xah hêi, cheăng kâ kơmăng, hngêi trăng, troăng klông ƀă kơno tuk ôm hyô. Pakĭng mê, kơxô̆ tơmối lâp plâi tơnêi xuân tá hâi hên, tơkŭm a mâu kong têa môi tiah Hàn Quốc, Sinuâ, Rusi.

La ngiâ kô châ ƀă tơkâ luâ pơkâ tơdah 20 rơtuh ngế tơmối tung hơnăm kố, Vi ƀan hnê ngăn kong pơlê Khánh Hòa pơkâ thế séa ngăn túa pơkâ, 'mâi rơnêu hngêi trăng, troăng klông, kơno tuk; mơnhông cheăng kâ kơmăng, ôm hyô pơlê pơla; hriăn plĕng mâu tơmeăm ki nếo môi tiah ôm hyô Halal, ôm hyô tuk têa kơxĭ ƀă po rơdâ mâu kong têa tơmối lâp plâi tơnêi.