Kơxo hâi lơ 10/9, a tíu pêi cheăng Chin phuh, pôa Lê Minh Hưng Ngế pro xiâm hnê ngăn tơnêi têa pơkuâ hôp pêi cheăng ƀă Khu xiâm rak liăn ngân rơtế ƀă mâu khu xiâm, kơvâ cheăng tơdjâk troh vâ tơmâng tối tơbleăng ăm hnê tối a mâu troăng hơlâ ki kân, ki kal vâ pro klêi Hồ sơ mâu tơdroăng tơkêa bro Luât, mê cho: Luât hngêi rak liăn tơnêi têa (tơtro): Luât tăng mơngế pêi rơkê (‘mâi hơ’lêh); Luât ‘mâi hơ’lêh tơ’nôm mâu tơdroăng dêi Luât ‘no liăn cheăng; Luât mơnhông khu mơdró kâ kŭn ƀă krâ kơvâ tiô tối hdrối kô pơtroh ăm Kuô̆k hô̆i hnê tối a rôh hôp má 2 la ngiâ.  

Pôa Lê Minh Hưng, Ngế pro xiâm hnê ngăn tơnêi têa ăm 'nâi, kố cho mâu luât tơdjâk tơdrêng troh tơdroăng mơ'no liăn cheăng tê mơdró, xing xoăng ƀă xúa mâu kơxô̆ liăn, tơdroăng cheăng dêi khu mơdró kâ, pêi pro klêi tơdroăng luât, mơdêk ivá tơbriât cheăng dêi tơdroăng cheăng kâ, khu mơdró kâ, xua mê, tơdroăng mơjiâng 4 tơdroăng luât thế pơkâ tung tâi tâng tơdroăng kal vâ pơkâ tơdrêng, tŭm mâu troăng hơlâ ki kân dêi Đảng, malối cho Pơkâ Hneăng hôp má 14 dêi Đảng, mâu pơkâ, mơgêi dêi Tíu xiâm.