Tiô tơbleăng dêi Đô̆i ki tăng, tơkŭm kơxêng kiâ mố đô̆i, tung hâi, mâu lêng pơtối tăng a tíu má péa ối tung Kơpong B, chiâ lối 500m³ tơnêi ƀă po rơdâ tíu séa ngăn. Khu lăm tăng, tơkŭm kơxêng kiâ mố đô̆i ối tung Khu xiâm pơkuâ lêng Pơlê kong kân Hồ Chí Minh hiăng châ hlo, tơkŭm tơ'nôm 10 kơxêng kiâ mố đô̆i ƀă môi kơxêng kiâ mố đô̆i a Kơpong B, Công viên Lê Thị Riêng.

Riân sap ing hâi lơ 23/6 troh tâi hâi lơ 7/9, mâu lêng hiăng châ hlo, tơkŭm tâi tâng 592 kơxêng kiâ mố đô̆i, tung mê 274 ngế ai tơmeăm. Tung kơxô̆ kố ki mê, 559 kơxêng châ hlo a mâu tíu ki ê; 33 kơxêng châ hlo a 8 tíu 'mế tơkŭm, ai péa tíu a Kơpong A ƀă tơdrốu tíu a Kơpong B. Tơdroăng lăm tăng chiâ rôu, tơkŭm kơxêng kiâ mố đô̆i a Kŏng viên Lê Thị Riêng dế pơtối châ pêi pro.