Pêi pro tơdroăng cheăng pâ mơnê, Khu hnê mơhno tăng, tơkŭm kơxêng kiâ mố đô̆i kong pơlê Quảng Ngãi hiăng tơrŭm krá ƀă khu kăn pơkuâ ƀă kuăn pơlê vâ tơkŭm séa ngăn. Klêi kơ'nâi, 5 to kơxêng kiâ mố đô̆i hiăng châ tăng hlo ƀă djâ vêh ối a ilâng kiâ mố đô̆i Nghĩa Kỳ (thôn An Hội Bắc 1, cheăm Nghĩa Giang) tiô tơdroăng ki kân krip.

Tơdroăng tăng ƀă djâ mâu ngoh vêh ƀă pơlê xiâm, pơlê pơla ôh tá xê to mơhno tơdroăng ki lĕm tro "Niân trối hâi kố kơnôm hnoăng kân jâ pôa rôh nah" dêi hdroâng mơngế mê ối veăng kum hơlêm mâu tơdroăng ki hía, tơdroăng ki châi heăng dêi rơpŏng hngêi, nhŏng o mâu mố đô̆i ki hlâ ai hnoăng.