Ing mê, tung hơnăm kố, kong pơlê kô mơhno tíu ối tơniăn ăm 1.133 rơpŏng kuăn pơlê ki ối a mâu kơpong ki ai tơdroăng kong prâi pro ôh tá tơniăn, tâk 153 rơpŏng tâng vâ pơchông ƀă tơdroăng pơkâ apoăng. Tơdroăng 'mâi hơ'lêh vâ rĕng xĕn kuăn pơlê lo ing kơpong tơnêi tơhnah, têa lân lu troh tíu ối tơniăn.

 Mâu kơpong ki châ rĕng pêi pro, mê cho: Tơdroăng tơkêa bro xĕn kuăn pơlê lăm ối tíu ê kơpong kong prâi pro ôh tá tơniăn thôn Trà Cong, cheăm An Hòa; Tơdroăng tơkêa bro xĕn kuăn pơlê lăm ối tíu ê kơpong kong prâi pro ôh tá tơniăn tơkŭm thôn Sông Ba, cheăm Ia Rsai ƀă Tơdroăng tơkêa bro xĕn kuăn pơlê lăm ối tíu ê tơdrêng kơpong tơnêi tơhnah tơhnâp ngo Gành, thôn Xuân An, cheăm Đề Gi.  

Sap ing nôkố troh hơnăm 2030, kong pơlê Gia Lai mơhno, tơniăn tíu ối ăm kuăn pơlê lo ing kơpong kong prâi pro ôh tá tơniăn cho 1858 rơpŏng a 13 tơdroăng tơkêa bro vêh pro pơlê ối tơkŭm ƀă 3 troăng tơ'mot tơdjuôm. Tâi tâng tơdroăng kal vâ ai liăn ngân ‘no pro cho lối 1.087 rơtal liăn, tung mê lối 207 rơtal liăn tŏng kum tơdrêng ăm kuăn pơlê 'na hngêi ối, prôk lăm, mơnhông pêi cheăng kâ, kế kâ ƀă têa ôu.