Klêi kơ’nâi mơgêi cheăng rơnó tô 2025 – 2026, sap ing hâi lơ 25/6 troh hâi lơ 3/9, Khu pơkuâ ngăn lêng kong pơlê Gia Lai pơtối pơtroh khu mố đô̆i tơrŭm ƀă khu mố đô̆i rak vế, pơkuâ djâ troăng dêi 3 to kong pơlê peăng mâ hâi Lo ‘na Kơnhŏng Kul hnê, mơhnhôk kuăn pơlê tối tơbleăng tơdroăng ‘na mâu mố đô̆i, gum ăm cheăng tăng rôu, tơkŭm kơxêng rơnó tôu 2026 – 2027.

Tung pơla kố, Đô̆i K52 hiăng lăm ngăn a 254 to pơlê a péa to kong pơlê Ratanakiri prếi Stung Treng. Sap ing hâi lơ 12/8 troh nôkố, Đô̆i hiăng tăng rôu tơkŭm châ 5 to kơxêng kiâ mố đô̆i, tung mê ai 3 to kơxêng kiâ hlâ a kong pơlê Ratanakiri ƀă 2 to kơxêng kiâ mố đô̆i a kong pơlê Stung Treng; hlối mơnhên, chêh xo mâu tơdroăng ‘na mâu kiâ mố đô̆i châ ‘mế apoăng. Ing mê, mơdêk tâi tâng kơxô̆ Đô̆i hiăng tăng hlo troh nôkố cho 1.536 to kơxêng kiâ khu ki pleăng dêi hnoăng ƀă khu ki rơkê Việt Nam hlâ a Kul ƀă djâ vêh ngi tơnêi têa.