VOV.Xơ Đăng - Hnoăng cheăng xiâm tơnêi têa tung mơnhông pêi cheăng kâ-rêh ối pơlê pơla kơpong hdrông kuăn ngo ki iâ mơngế ƀă kong ngo xua Kuô̆k hô̆i chêh mơ’no dế châ mơnhông ki tơbrê khât a kong pơlê Dak Lak, ing mâu hngêi trăng, troăng prôk, tŏng gum pêi chiâk pêi deăng, pơtối rak vế khôi túa, vêa vong dêi hdrông kuăn ngo, troh a tơdroăng khăm pơlât, rak ngăn ivá châ chăn kuăn pơlê, ‘na hnê mơhriâm. Mâu hâi ki kố, ki tơƀrê mê thăm hlo rế nhên drêng mâu tơdroăng tơkêa bro kố châ tơdjêp hên troh tơdroăng ki kơnía dêi kơphế, ing cheăng kâ kố hiăng châ ho nhên ‘nâng, mê cho, hên hĕng mâu rơxế pơto chơ kơphế ing chiâk deăng troh a mâu hngêi kơmăi têng, uâ, pơli.

VOV.Xơ Đăng –  Kăn xiâm hnê ngăn tơnêi têa kĭ Tơdroăng pơkâ ‘na tơdroăng diâp kơxuô tơmeăm ăm mơngế ai hnoăng ƀă kăch măng klăng roh Têt Lo hơnăm nếo Bính Ngọ 2026.

VOV.Xơ Đăng - Hâi lơ 5/1, Trung đoân Kan sát cơ đô̆ng, Khu xiâm pơkuâ Kŏng an tơrŭm a Hngêi kroăng pơtân kơxô̆ 3, Kŏng an kong pơlê Lâm Đồng ƀă Vi ƀan bêng Hàm Thắng tơkŭm po Leh phiu ro hiăng mơjiâng pro kêi đeăng toăng hngêi nếo tung ‘’Tơdroăng pro hngêi Quang Trung’’.

VOV.Xơ Đăng - Kơxo lơ 4/1, a thôn Phú Hữu, cheăm Hoà Thịnh, Khu xiâm pơkuâ Kuân khu 5 tơrŭm ƀă kong pơlê Dak Lak tơkŭm po leh phiu ro hiăng mơjiâng pro kêi đeăng ƀă pơcháu 96 toăng hngêi tung “Cheăng pêi thâ Quang Trung’’, diâp mâu rơpŏng kuăn pơlê ai hngêi tơhnâp xua kong mêi têa kân lân lu mơ’nui hơnăm 2025.

VOV.Xơ Đăng - Liên đoân pêi cheăng Pơlê kong kân Đà Nẵng hiăng ai pơkâ tŏng gum kơxuô tơmeăm Têt Bính Ngọ 2026 ƀă diâp vĕ rơxế lơtreng, rơxế ăm mơngế pêi cheăng ai tơdroăng rêh ối pá puât vêh pơlê xiâm kâ Têt.

VOV.Xơ Đăng - Mâu hâi a rơnó Rơngiâp khế 8 hơnăm 1845, tung dế kong ngo Việt Bắc, a Tân Trào, Pôa Hồ Chí Minh-Kăn xiâm hnê ngăn tơnêi têa hneăng apoăng hiăng tơkŭm po Quốc dân Đại hội Tân Trào vâ mơjiâng Chin phuh pơtân, pơkuâ hneăng cheăng Kăch măng dêi kuăn pơlê Việt Nam. Quốc dân Đại hội Tân Trào hâi lơ 16 ƀă lơ 17/8/1945 ôh ta xê to tơdroăng ki kal vâ hdró mơnhên dêi kơ koan teăng mâ hnoăng cheăng ivá dêi kuăn pơlê-mê ối cho ki xiâm dêi Kuô̆k hô̆i Việt Nam hâi kố. Ing Tân Trào, i hiâm mơno “kuăn pơlê cho xiâm”, “hnoăng pơkuâ cho dêi kuăn pơlê” hiăng châ pơkâ pêi pro roh mê nah, ing mê, chiâng troăng hơlâ ki xiâm plâ rơxông, plâ chal mơjiâng Tơnêi têa Việt Nam tơniăn krê, tơ’lêi hlâu, xua vâ gum mơnhông kuăn pơlê.

VOV.Xơ Đăng -  Ôm hyô pơlê pơla dế chiâng troăng prôk ki krá tơniăn dêi kong pơlê Dak Lak tung rôh mot tơrŭm cheăng ƀă kong têa ê. A mâu pơlê cheăm dêi mơngế Rơđế, ôm hyô ôh ti xê to lăm ngăn mê ối cho rơtế rêh, rơtế pêi, rơtế mơnúa ngăn túa rêh ối ƀă kuăn pơlê. Hngêi trá, idrâp chêng koăng, tơdroăng rêh ối a chiâk, hnoăng cheăng dêi rơpŏng hngêi ƀă pơlê pơla châ rak vế pơhlêh chiâng mâu rôh ki châ ngăn châ hlo cho khât, hmâ achê. Ing lăm ngăn mê a pơlê cheăm, tơmối kong têa ê hlê tơ’nôm ƀă nhuô̆m túa lĕm tro Rơđế, veăng tơdjêp pơlê cheăm Dak Lak ƀă kong têa ê.

VOV.Xơ Đăng - A kong pơlê Khánh Hòa, Khu xiâm Kŏng an tơkŭm po Hôp tơdroăng cheăng tối tơbleăng tơdroăng kal kí, pơtâng tối hbrâ, ví kong prâi pro ôh tá tơniăn ƀă tơpui tơno “Cheăng pêi thâ Quang Trung’’, mơdêk tơdroăng mơjiâng pro, rơnêu hngêi ối kum kuăn pơlê kơpong trâm kong prâi pro ôh tá tơniăn rĕng tơniăn tơdroăng rêh ối.

VOV.Xơ Đăng - Peăng Tơdế Tơnêi têa – Tây Nguyên cho kơpong tơnêi hên kong tô khía, laga xuân trâm hên mơhot têa lân lu, tơhnah tơhnâp, kong prâi pro ôh tá tơniăn. Rêm rơnó kong mêi mơhot prôk hluâ, kuăn pơlê tíu kố thế mơ-eăm hbrâ ví ƀă mâu tơdroăng ki tro lup, rơ-iô. Tung drêng trâm tơdroăng pá mê, kăn ƀô̆, mô đô̆i khu lêng Quân khu 5 đi đo ai mâ teăm tơdrêng, tá rơtế Kuăn pơlê. Ôh tá bê tơmâng kong mêi khía, têa lân lu, rơ-iô tơhnâp ngo kong, mâu ngoh ôh tá xâu pá puât, ối tung têa lu tŏng gum kuăn pơlê, ti tăng mơngế ki tro tơnêi kơđu, gum kuăn pơlê tơkâ hluâ pá puât’’.

VOV.Xơ Đăng - Klêi kơ’nâi môi khế tơbleăng tơdroăng Cheăng pêi thâ Quang Trung pro hngêi ối ăm kuăn pơlê kơpong khía mơhot têa kân lân lu, Dak Lak dế mơeăm tơbleăng ƀă hiâm mơno mơeăm rĕng pro kêi.