Klêi kơ’nâi vâ chê 60 hơnăm ối xêh a tíu tơplâ xâ, kơxêng kiâ mô đô̆i hiăng châ djâ vêh a Ilâng kiâ Mô đô̆i Ninh Thuận, cheăm Xuân Hải vâ tơkŭm po leh tơbâ hnoăng ƀă ‘mé tiô tơdroăng po dêi mô đô̆i. Mô đô̆i hlâ tung tơplâ xâ nah Ka Tơr Tiên kot mâ hơnăm 1949, nah cho Tiêuh đô̆i phŏ Mô đô̆i a tơring Anh Dũng, hlâ hâi lơ 17/3/1967 tung rôh tơplâ xâ Mih tŏng gum tơnêi têa ƀă châ djâ ‘mé apoăng a thôn Tà Nôi.

Tơdroăng ti tăng hlo ƀă chiâ rôu tơkŭm kơxêng kiâ mô đô̆i Ka Tơr Tiên klêi kơ’nâi vâ chê 60 hơnăm hiăng tơxâng pói vâ dêi rơpŏng ƀă gum pêi pro châ tơƀrê tơdroăng “500 hâi măng lăm ti tăng khu pú” xua khu mô đô̆i kong pơlê Khánh Hòa pêi pro.