Kố cho mâu ngế hiăng hlâ tung rôh tơplâ xâ Pơhlăng. Tung chôu phut hmái môi phut koh nhoăm tơbâ hnoăng, Kăn hnê ngăn kong pơlê Khánh Hòa, mâu lêng tơplâ, mâu kăn hnê ngăn cheăm ƀă nhŏng om hdrông hdrê xiâm mơngế ki hiăng hlâ ai hnoăng ki tơplâ xâ vâ tŏng xo rak vế tơniăn ăm dêi Tơnêi têa. Pôa Nguyễn Long Biên, Phŏ kăn hnê ngăn Vi ƀan Kuăn pơlê kong pơlê Khánh Hòa, Phŏ Ngế pơkuâ hnê mơhno “Pêi hnoăng cheăng 500 hâi măng mơhnhôk lăm tăng, tơkŭm ƀă mơnhên inâi hơnăm a kơxêng kiâ mơngế hlâ ai hnoăng”, pơchuât hlá mơ-éa tơbâ hnoăng vâi ki hiăng kơtong mê.

Tơdroăng djâ kơxêng kiâ mơngế hlâ ai hnoăng vêh ‘mé a ilâng tung tơnêi pơlê xiâm cho “hnoăng cheăng athế pêi pro ing plâi nuih”, mơhno hnoăng khŏm pêi pro ƀă mơhno hnoăng ăm mâu rơxông nếo nôkố hlo, ‘nâi hlê cho hnoăng mâu ngế hiăng pleăng dêi tơná dế ối nếo nah, ƀă hiăng khên tơnôu pleăng dêi mơheăm chhá, kơxêng tơná vâ ăm tơnêi têa. Ing tơdroăng mơhnhôk pêi pro 500 hâi măng lăm tăng, kong pơlê Khánh Hòa hiăng châ tơkŭm 14 kơ xêng kiâ mơngế hlâ ai hnoăng kân ƀă tơnêi têa.