Tơbleăng hnê mơhno a rôh pêi cheăng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế Hok viê̆n Chĭnh trĭ Kuô̆k ya Hồ Chí Minh kal thế tối tro tơdroăng, ngăn tơdrăng a mâu tơdroăng ki ối pá ƀă thế ‘nâi nhên mâu tơdroăng pơkâ thế dêi hok  viê̆n, hlối mơnhên tíu, tơdroăng rêh ối ƀă pơkâ thế mơnhông hok viê̆n tung mâu hơnăm la ngiâ.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế hok viê̆n thế pơ‘lêh nếo hnoăng cheăng pêi tơdrêng troăng hơlâ hnê mơhno pơ‘lêh nhên ‘na ki lĕm tro ƀă tơbrê khât. Ing mê, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơchân tối ai 5 tơdroăng pơkâ thế hok viê̆n rak vế, pêi pro, tung mê, kal mơdêk tăng ‘nâi plĕng tơpui leăng, tối mơgêi tơdroăng hlo ai khât, hnê tối troăng pêi ƀă kring tơniăn tuăn mơno dêi Đảng; pakĭng mê, thế pơ’lêh nếo tŭm tơdroăng hnê hriâm, mơhriâm tơ’nôm tiô troăng hơlâ mơnhông tơmeăm pêi lo ƀă ivá pêi cheăng dêi kăn ƀô̆.

Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên hok viê̆n thế cho tíu ki rêm ngế kăn ƀô̆ drêng lo ing hngêi trung Đảng thế khên tơnôu tâ chân tuăn, hleăng nhên tâ ‘na tuăn tơmiât tơdroăng tơpui leăng, hên tâ ‘na hnoăng cheăng pêi, pêi cheăng châ tơƀrê tâ xua hnoăng cheăng Đảng, xua hnoăng cheăng tơnêi têa ƀă xua hnoăng cheăng ăm kuăn pơlê.