Jâ Phạm Thị Thanh Trà, Phŏ Ngế pro xiâm hnê ngăn tơnêi têa mơnhên troăng hơlâ môi tuăn sap apoăng troh tá tui lui dêi Đảng, Tơnêi têa Việt Nam kơjo má môi mơnhông tơrŭm Sinuâ tung tâi tâng troăng hơlâ tơpui kâ ƀă kong têa ê ƀă tối rơdêi, tung pơla tơdroăng lâp plâi tơnêi, kơpong ai hên tơdroăng ki ôh tá tơniăn, rĕng, ôh tá ‘nâi tối hdrối nôkố, péa pâ kal pêi pro châ tơƀrê hlê plĕng tơdjuôm ki kal pơla péa pâ, ki rơhêng vâ tối cho mâu kơvâ tơrŭm ki păng ‘nâng.

Pôa Hà Vĩ, Kăn teăng mâ mơnhên tơrŭm pơla péa Đảng, péa tơnêi têa dế ối a rơxông mơnhông mơdêk lĕm ƀă trâm mâ khu râ kăn xiâm mơhno mâ păng ‘nâng, tơrŭm tung mâu kơvâ cheăng, ki má lối cho tê mơdró, mơ’no liăn cheăng, ôm hyô tơtêk, trâm mâ pơla kuăn pơlê kơdrâm.