Kố cho tơdroăng ki ro, po tơ’nôm rôh djâ plâi sầu riêng Dak Lak tung kơchơ mơdró a kong têa Sinuâ tiô troăng ki tê rôe ai mrô kơxô̆ ki păng ‘nâng. 140 mah kơxô̆ kơpong pêt plâi sầu riêng châ ăm ƀă tâi tâng ƀăng chiâk deăng lối 4.300 ha; 31 tíu tâ tung kơthung plâi sầu riêng, ai tâi tâng ƀăng chiâk deăng lối 91.000 met karê, tâi tâng dâng 5.500 tâ̆n/môi hâi.

Dế kố, Dak Lak ai dâng 44.000 ha sầu riêng, pêi lo rơnó hơnăm 2026 châ vâ chê 500.000 tâ̆n. Hdrối roh kĭ nếo, kong pơlê ai 280 kơpong pêt ƀă dâng 7.500 ha ƀă 41 tíu tâ tung kơthung plâi châ ăm mah kơxô̆ tê ngi kong têa ê. Tơdroăng ăm tơ’nôm 140 mah kơxô̆ kơpong pêt ƀă 31 tíu tâ tung kơthung gum hên tơdroăng ki veăng tê ngi kong têa ê ai mrô kơxô̆ ki păng ‘nâng, tơdrêng amê, hnối mơjiâng tơ’nôm mâu hnoăng cheăng vâ mâu kơpong pêt mơjiâng, tê mơdró tơxâng pơkâ pêi rế hía rế hên ăm tung kơchơ mơdró a kong têa Sinuâ.