6 khế apoăng hơnăm kố, tê sầu riêng ăm kong têa ê châ lối 950 rơtuh USD, tâk hên tâ 31% tâng vâ pơchông ƀă hơnăm nah. Troh tâi khế 7 hơnăm kố, lâp tơnêi têa ai lối 1.200 mah kơxô̆ kơpong pêt ƀă 120 tíu pêi cheăng tâ plâi sầu riêng tung kơthung. Tung 5 khế u ối dêi hơnăm 2026, plâi sầu riêng kô ối châ krí xo 1 rơtuh 200 rơpâu tâ̆n, tung mê, krê kơpong Tây Nguyên dâng 850 rơpâu tâ̆n. Ƀă mah kơxô̆ hiăng ăm, plâi sầu riêng dêi Việt Nam ai tiô kal vâ tê ăm kong têa ê hơnăm 2026.

Tối mơgêi hâi pêi cheăng, pôa Hồ Quốc Dũng, Phŏ Ngế pro xiâm hnê ngăn tơnêi têa tối nhên mâu pơloăng mơnúa dêi kơchơ ‘na kring vế tê mơdró, mâu tơdroăng pro pá ‘na kih thuât, pơkâ thế pêi pro lĕm tâ nếo ‘na tăng ‘nâi xiâm rêi, ki pá tung tơbriât tê kal thế tơmâng nhên khât tâ nếo tung tơdroăng tah ki xơpá vâ tê plâi sầu riêng ăm kong ê châ tơƀrê tâ, mơ-eăm tê châ 4 rơtal dollars tung hơnăm kố.