Mâu cheăm, bêng châ pơkâ thế rĕng tơbleăng pêi Pơkâ kơxô̆ 36 dêi Chin phuh; xoăng mâu kơxô̆ liăn, tơdah xo ƀă chêh pro teăm hồ sơ hbru ăm mah kơxô̆ kơpong pêt, mah kơxô̆ tíu tâ tung kơthung, pôi tá ăm hồ sơ ôh tá kâi pro klêi xua ôh tá tơmâng. Gia Lai pơkâ thế tơbleăng pêi mâu tơdroăng ki pơhlêh mah kơxô̆ kơpong pêt ƀă mâu hdrê loăng pêt kế tơmeăm ki xiâm, ai ivá rơdêi vâ tê ngi kong têa ê; kơjo gum mâu kơvâ plâi sầu riêng, krui kơxái, kơphế, tiu ƀă mâu tơmeăm xiâm ki ê.

Mâu khu ki ai tơdjâk thăm lăm ngăn, teăm hlo ƀă pơxâu phâk kơtăng tơdroăng ki pro xôi ‘na hồ sơ, klêi kơ’nâi séa ngăn kế tơmeăm pêi lo ing chiâk deăng ƀă mâu tơdroăng ki pro xôi tung pơkuâ ngăn, xúa mah kơxô̆ kơpong pêt, mah kơxô̆ tíu tâ tung kơthung. Tung lâp kong pơlê Gia Lai nôkố ai 451 mah kơxô̆ kơpong pêt, ƀă ƀăng tơnêi lối 13.420 ha. Kong pơlê xuân ai 53 mah kơxô̆ tíu tâ tung kơthung vâ tê ngi kong têa ê, tâi tâng sap ing 2700 tâ̆n plâi tung môi hâi.