Kố cho tơngah hvêa prôk pơ’lêh ing tơdjêp, mơhnhôk ‘no liăn cheăng troh pêi tơdroăng tơkêa bro, tơrŭm pêi nhên ăm kơvâ pêt sầu riêng a kong pơlê. Mâu hlá mơ-éa chêh chôu pâ tơmâng chêh a hên kơvâ cheăng ki kal mê cho tăng ‘nâi plĕng trâu ‘na ‘no liăn pêi cheăng tơkŭm dêi kơchơ xiâm tê mơdró, tíu xiâm ki tê rôe, séa ngăn nhên, xup ngăn,  logistics, tê ăm kong têa ê ƀă pro hên túa kế tơmeăm pê lo ing chiâk deăng; pro hnôu hơngíu; po rơdâ kơpong pêi chiâk xua kŏng ngê̆ dâi lĕm ƀă kơpong uâ mơdi trâu rơdâ; xúa ư̆ng yŭng kong ngê̆ sinh hok, tơdjêp kơchơ mơdró.

Tơdrêng ƀă 9 hlá mơ-éa chêh tơdroăng chôu pâ mê, mâu tíu pêi cheăng ăm mung hdrê, tơmeăm vâ pêi, hnê kih thuât, hngêi rak liăn, kơpong pêt, rôe tơmeăm, uâ pơliê pro, tê ƀă hnê troăng hơlâ pêi pro pơrá chêh ‘măn tung măng, xuân kĭ tơhrâ tung mâu hlá mơ-éa tơrŭm cheăng, vâ mơjiâng tơmeăm pêi lo lĕm krúa sap ing pêi pêt rak ngăn troh a kơchơ dró .