Tơdroăng tơkêa bro Luât Tơnêi tơníu ‘mâi rơnêu châ Chin phuh pơkâ ƀă 7 khu troăng hơlâ, tung mê, tơtrŏng má môi cho tơdroăng pơkâ pơkuâ tơnêi tơníu ƀă yă tơnêi. Pơtối mê, yă tơnêi xua Tơnêi têa pơkâ tiô tơdroăng pơkâ xiâm, hâi khế xúa tơnêi, tơdroăng ki apoăng ƀă mâu pơkâ luât ai tơdjâk. Rơtế amê, ‘noăng chư chêh tơnêi tơníu kô châ tơdjêp, ăm dêi pó ƀă ‘noăng chư chêh dêi mâu kơvâ cheăng. Tơdroăng kố châ pói tơngah gum tung pơkuâ kơchơ mơdró, kơdroh tơdroăng bro yă, há pơkâ yă ki ôh tá xê khât, tơdrêng amê, rak tơniăn tơtro tơdroăng ki kơnâ tâk tơ’nôm ing tơnêi.

Chin phuh xuân pơkâ nhên ‘na yă tơnêi ƀă kơlo kơxô̆ pơhlêh yă tơnêi, pro xiâm kối riân a mâu kơxô̆ liăn ki châ xo ing tơnêi; mơnhên ki kơnâ hnoăng xúa tơnêi drêng tơlo liăn pêi cheăng dêi khu tê mơdró tơnêi têa ƀă riân liăn chêl thiê̆n drêng Tơnêi têa xo tơvêh tơnêi mê.