Tung mê, tối nhên hnoăng mơjiâng tíu tơ’lêi hlâu ăm mơnhông mơdêk dêi péa kơ koan mơjiâng luât, Kăn xiâm hnê ngăn Kuô̆k hô̆i Việt Nam pơkâ thế péa pâ thăm tơrŭm tung mơhnhôk, séa ngăn tơdroăng tơpui tơno, kĭ tơkêa ƀă pêi pro mâu mơ-éa, môi tuăn tiô tơdroăng xiâm môi tiah Tơdroăng pơkâ Khu tơrŭm cheăng pơla péa Chin phuh, Tơdroăng pơkâ ví xo hnoăng mơhá péa xôh ƀă Tơdroăng pơkâ Mơhnhôk ƀă tŏng gum mơ’no liăn cheăng.

Péa pâ môi tuăn thăm tối ăm dêi pó tơdroăng, tơ’nôm teăm tơdrêng mâu troăng hơlâ ƀă pơkâ nếo dêi pó, ki má lối cho mâu troăng hơlâ tơdjâk troh tê tơmeăm ngi kong têa ê, mơhnhôk mơ’no liăn cheăng kong têa ê. ‘Na tơrŭm cheăng hên pâ, péa kăn pơkuâ mơnhên péa tơnêi têa kô thăm kơ-êng, pơtối ăm dêi pó mâu tơdroăng tuăn pâ ki lĕm ƀă môi tuăn kơnía tung mâu hôp tơno lâp plâi tơnêi, ki má lối cho mâu hôp tơpui tơno Kuô̆k hô̆i râ má môi hên pâ môi tiah Khu tơrŭm Kuô̆k hô̆i Lâp plâi tơnêi (IPU), Khu tơrŭm Kuô̆k hô̆i râ má môi Tơpui nâl Pơhlăng (APF)