Tơdroăng mê châ tơkŭm po a cheăm Ea Knuếc, kơpong pêt sầu riêng ki kal dêi kong pơlê Dak Lak. Tíu ki vâ tối dêi tơdroăng mê cho pro leh tơdah “Ngế droh sầu riêng” ing loăng ki kân djâ troh a kơpong po leh tơbleăng. Túa rơkâu xối pâ dêi kuăn ngo Rơđế xuân châ pơtối tơbâ, pơtroh tơdroăng púi vâ kong mêi tô ‘lo pêi cheăng pon mơhúa châ xo hên plâi sầu riêng, tê ai yă, pơlê pơla phâi tơtô. Mâu tơdroăng pêi pro pơtối mê “Ea Knuếc pơxiâm troh rơnó”, ối ai po kơchơ, tơbleăng tơmeăm OCOP, tơmeăm pê lo ing chiâk deăng, kơchâi kế kâ, hyô ngăn kơdrum ƀă livestreăm tơbleăng sầu riêng tung măng.

Ing mê, tơdroăng Leh tơbleăng Sầu riêng Dak Lak châ tơbleăng troh mâu kơpong pêi pêt, djâ kuăn pơlê, tơmối ƀă kơchơ mơdró troh achê tâ ƀă kuăn pơlê ki pêt. Cheăm Ea Knuếc nôkố cho môi tung mâu kơpong pêt sầu riêng kân má môi tung kong pơlê Dak Lak vâ chê 6.000 ha, lối 2.800 ha dế ai plâi, plâi gá châ lối 70.000 tâ̆n, tâi tâng ki kơnâ dâng 4.000 rơtal liăn.