VOV.Xơ Đăng -  Ƀă dó inâi ‘’Troăng prôk tŏng gum mơngế pá puât – Troh lâp lu tơdroăng tuăn pâ’’, a pơlê kong kơdrâm Kon Tum, Khu lo tŏng veăng kong pơlê Kon Tum tơkŭm po Leh mơhnhôk Khế tŏng gum mơngế pá puât hơnăm 2025 ƀă Leh tơbâ Hâi Khu lo tŏng veăng ƀă Trăng lưỡi liềm đỏ Quốc tế 8/5.

VOV.Xơ Đăng - Hdrối roh hôp má 9, Kuô̆k hô̆i, a roh hôp má 44, Vi ƀan hnê ngăn Kuô̆k hô̆i hiăng ăm mâu kăn veăng tơpui tối, hnê khĕn hên tơdroăng cheăng ki kal. Ki rơhêng vâ tối, mê cho Tơdroăng pơkâ ‘na kơdroh pro hnoăng mơhá ki tơ’nôm ăm 6 khế mơ’nui hơnăm 2025 ƀă ta hơnăm 2026; ƀă tơdroăng ki rơnêu pơhlêh, ‘mâi bro tơ’nôm ‘na Tơdroăng pơkâ a hneăng hop Kuô̆k hô̆i.

VOV.Xơ Đăng - Ƀă vâi krâ kuăn pơlê hdroâng kuăn ngo a Tây Nguyên, tơdroăng ăm mung liăn vâ pêi cheăng kâ ƀă tơdroăng mơdrếo liăn mung cho tơdroăng ki xơpá, ga hiăng pro hên rơpŏng vâi trâm kơtiê. Laga, sap ing Hngêi rak liăn tŏng gum rêh ối pơlê pơla pro chiâng mâu tơdroăng ăm mung a lâp mâu tơring, cheăm ƀă hên thôn ai mâu tôh mung liăn ƀă hên ki ê. mê tơdroăng ăm mung liăn ing hngêi rak liăn tŏng gum rêh ối pơlê pơla, mơdrếo liăn laih iâ hiăng chiâng hmâ, mơnhông tơƀrê kân tung tơdroăng xut tah kơklêa kơdroh kơtiê. Hên rơpŏng kơnôm ai liăn ki kố hiăng pêi lo liăn ngân tơniăn.

VOV.Xơ Đăng - A mâu tơring peăng kong ngo kong pơlê Quảng Nam dế po rơdâ mâu túa mơnhông cheăng kâ, pro chiâng mơnhông pơhlêh tung hnoăng cheăng kơdroh kơtiê. Kuăn pơlê châ mung tơniăn tro tâ mâu troăng hơlâ tŏng gum, mâu kơxô̆ liăn tŏng gum dêi tơnêi têa, tăng cheăng pêi, pêi lo liăn tơ’nôm.

VOV.Xơ Đăng - Mâu hơnăm hdrối, mâu kŏng ti kơxu ối tung Ƀinh đoân 15 pêi cheăng a 2 to kong pơlê Gia Lai ƀă Kon Tum kơjo gum rah xo, hnê cheăng ăm mâu ngế pêi cheăng hdroâng kuăn ngo. Tơdroăng tơrŭm ƀă kuăn pơlê kong pơlê ôh ti xê gum pro tơniăn tơƀrê tung pêi cheăng, tê mơdró dêi rêm tíu pêi cheăng, mê ối hiăng gum mơnhông rêm kơvâ cheăng rêh ối dêi ngế pêi cheăng cho hdroâng kuăn ngo a kong pơlê.

VOV.Xơ Đăng - Mâu hơnăm hdrối, Hngêi rak liăn kum mâu kơtiê a mâu kong pơlê tung kơpong Tây Nguyên hiăng tơbleăng mâu tơdroăng ăm mung liăn, kum kuăn ngo mơnhông cheăng kâ tơƀrê.

VOV.Xơ Đăng - Pêi pro Tơdroăng tơkêa djâ mâu ngế pêi cheăng lăm pêi cheăng a kong têa ê tiô tơkêa pơla hơnăm 2024 – 2026, kong pơlê Dak Lak pơkâ pêi djâ 7.500 ngế pêi cheăng lăm pêi cheăng a kong têa ê.

VOV.Xơ Đăng – Tung pơla lâp tơnêi têa tơbleăng troăng pơkâ ‘mot tơkŭm mâu tíu pêi cheăng, hdrối hneăng hôp má 9, Kuô̆k hô̆i hneăng 15, kăn pơkuâ Đảng, Tơnêi têa rơtế ƀă Khu kăn Kuô̆k hô̆i mâu kong pơlê hiăng pêi pro trâm mâ kuăn pơlê mâu kong pơlê tung lâp tơnêi têa. Pôa Trần Thanh Mẫn, Kăn xiâm hnê ngăn Kuô̆k hô̆i tối nhên: kố cho rôh kăch măng kân sap nah tá hâi ai tung kơ koan kal kí, tơmiât troh ki xiâm vâ pêi tro tâ ăm kuăn pơlê ƀă mơdêk mơnhông tơnêi têa tung hneăng ki nếo. Môi tuăn khât ƀă tơdroăng ‘mot tơkŭm kơ koan cheăng tơnêi têa vâ mơdêk tơƀrê pơkuâ ƀă pro ivá mơnhông cheăng kâ rêh ối pơlê pơla, kuăn pơlê tối tôu tuăn ‘na mâu tơdroăng ki kô trâm klêi kơ’nâi mot tơkŭm kong pơlê.

VOV.Xơ Đăng - A rôh hôp khoa hok tơnêi têa “Ƀlêi trâng rơnó Hơngui 1975 ƀă chal mơnhông nếo dêi hdroâng mơngế Việt Nam” nếo tơkŭm po a Pơlê kong kân Hồ Chí Minh, mâu rơkong ki veăng tơpui tối hiăng tối nhên hnoăng cheăng pơkâ dêi hiâm mơno kuăn pơlê, dêi tơdroăng hiâm mơno tơrŭm pơla khu lêng ƀă kuăn pơlê tung pro ƀlêi trâng ton nah. Mâu tơdroăng ki kơnía mê pơtối châ mơnhông tung pơla hneăng kăch măng nôkố - drêng tơnêi têa mot tung hneăng pơhlêh tâi tâng, mơnhông ngiât rĕng ƀă krá tơniăn ton.

VOV.Xơ Đăng - Drêng tơbâ 50 hơnăm Hâi tơleăng peăng Hdroh, pro tơnêi têa tơrŭm chiâng môi, kơxo lơ 20/4, pôa Tô Lâm, Kăn xiâm pơkuâ hnê ngăn cheăng Đảng pơkuâ po rôh trâm mâ kăn pơkuâ Đảng, Tơnêi têa ƀă kăn ƀô̆ ki hiăng krâ, kăch măng, ngế ki ai hnoăng, rơpŏng ki châ tơnêi têa gum kơhnâ rơkê kơpong peăng Hdroh.