VOV.Xơ Đăng - Tơdroăng Pơkâ Tơnêi têa mơnhông cheăng kâ pơlê pơla kơpong kuăn ngo ƀă kong ngo pơla hơnăm 2021-2025, ƀă Tơdroăng tơkêa bro kơxô̆ 8 xua Khu ngăn vâi kơdrâi Việt Nam pơkuâ, hiăng ai hên ki pơxúa. Tiah mê ki lâi cho ƀai hriâm ki xiâm ing pơla rôh apoăng ƀă tơdroăng ki pơtối kô châ pêi pro mâu tơdroăng ki pơlê pơla kal vâ, ƀă ôh tá lôi ngế ki lâi pá rŏng? Tơdroăng kơ-êng jâ Nguyễn Thị Minh Hương, Phŏ Ngế xiâm hnê ngăn Khu vâi kơdrâi Việt Nam tối mơnhên ‘na tơdroăng mê.

VOV.Xơ Đăng - Tung tơdroăng xúa rơdêi dêi pơhlêh kơmăi kơmok 4.0, pro tiah lâi vâ mâu tơmeăm ki kơnía túa lĕm tro khôi hmâ ƀă ki hlê plĕng a pơlê cheăm ai hlâu ôh tá tro piu? Pro tiah lâi vâ pin tơdjêp ƀă kơmăi kơmok chal nôkố, pro chiâng ivá nếo ăm cheăng kâ kơpong hdroâng kuăn ngo ƀă kong ngo? Tơdroăng tiâ cho a tơdroăng ki ‘nâi nhên cheăng kâ kơxô̆ ăm vâi kơdrâi hdroâng kuăn ngo.

VOV.Xơ Đăng - Kơxo lơ 22/7, klăng leh tơbâ 78 hơnăm Hâi mô đô̆i rong râ – Hlâ hía (27/7), jâ Nguyễn Thị Thanh, Phŏ Kăn xiâm hnê ngăn Kuô̆k hô̆i rơtế khu râ kăn pêi cheăng hiăng lăm pôu ƀă diâp kơxuô tơmeăm mâu rơpŏng ai hnoăng tơnêi têa a Đà Lạt, kong pơlê Lâm Đồng.

VOV.Xơ Đăng - Klêi kơ’nâi Hneăng hôp má 9, Khu kăn Kuô̆k hô̆i mâu kong pơlê Dak Lak ƀă Lâm Đồng hiăng trâm mâ kuăn pơlê ƀă tơdroăng ki ‘no tơdrêng ing um tơvi ƀă ‘no tơdrêng ing troăng hyôh internet. Kuăn pơlê tơngah kăn pơkuâ rĕng ai troăng pơkâ mơnhông nếo, tro ƀă ki ai hlâu pơla túa lĕm tro a kơxĭ ƀă kong kế. Tơdrêng amê hlối pâ thế tơkŭm tung mâu tơdroăng xoăng râ, xoăng hnoăng tung túa kăn pơkuâ péa râ, ‘no liăn pro hngêi trăng troăng klông kơpong hdroâng kuăn ngo.

VOV.Xơ Đăng - A Thuận Châu (ton nah), nôkố cho mâu cheăm Thuận Châu; Chiềng La; Nậm Lầu; Muổi Nọi; Mường Khiêng; Co Mạ; Bình Thuận; Mường É  ƀă Long Hẹ dêi kong pơlê Sơn La ƀă lối 90% pơ’leăng mâ mơngế cho kuăn ngo, tơdroăng pro nôu dêi mơngế kơdrâi trâm hên tơdroăng pá pơloăng mơnúa. Kơnôm ai Tơdroăng Tơkêa bro 8 dêi Tơdroăng Pơkâ Tơnêi têa, rơpâu ngế ki pro nôu a kơpong kong ngo kố hiăng tơniăn iâ tâng vâ tối.

VOV.Xơ Đăng – Tung tơdroăng pơkâ dêi tơnêi têa mơnhông cheăng kâ - rêh ối pơlê pơla kơpong kuăn ngo ƀă kong ngo ai Tơdroăng “Tơkêa bro Pêi pro tơdroăng ôh tá pơrah pơla vâi kơdrâi ƀă vâi kơnốu ƀă pê klêi mâu tơdroăng ki kal ƀă vâi kơdrâi ƀă vâi hdrêng” ki vâi krê (Tơdroăng tơkêa bro kơxô̆ 8). Mâu hơnăm hdrối mê hía nah, tơdroăng tơkêa bro mê dế pêi tơdrêng ƀă mâu tơdroăng ki ê. Ing tơdroăng tăng ‘nâi plĕng, mâu khu cheăng khoa hok pơkâ thế ki ton hơnăm, tơdroăng tơkêa bro  ‘na ôh tá pơrah pơla vâi kơdrâi ƀă vâi kơnốu kal châ ‘no liăn pêi krê.

VOV.Xơ Đăng - Tung pơla kố nah, Ƀinh đoân 15 cho môi tíu pêi cheăng ki má môi tung tơdroăng tŏng gum kuăn pơlê kong pơlê Gia Lai têa tah hngêi pơtân, hngêi xi kơchoh. Ing mê, um méa Mô đô̆i Pôa Hồ tơ’nôm môi xôh nếo châ pro ro hơniâp tiah hlo ƀă mâ, kum pro krá tơdroăng tuăn pâ khu lêng – kuăn pơlê tíu tơkăng kong Tây Nguyên.

VOV.Xơ Đăng -  Hô̆i đong kuăn pơlê kong pơlê Lâm Đồng nếo tơbleăng Pơkâ xing xoăng vâ chê 300 rơtal liăn pêi tơdroăng pơkâ dêi tơnêi têa mơnhông cheăng kâ-rêh ối kơpong kuăn ngo ƀă kong ngo hơnăm 2025.

VOV.Xơ Đăng - Drêng troh tơbâ 78 hơnăm Hâi mâu mố đô̆i rong râ - hlâ hía lơ 27/7, kơxê hâi lơ 15/7, pôa Tô Lâm, Kăn xiâm pơkuâ hnê ngăn Đảng hiăng lăm pôu, hbru tơmeăm ăm mâu lêng mố đô̆i ki tro rong râ, châi ta mo ƀă mâu ngế ai hnoăng tơnêi têa a Tíu pơlât rak ngăn mâu mố đô̆i tro rong châi tamo Thuận Thành (Bắc Ninh).

VOV.Xơ Đăng - Kong pơlê Gia Lai mơhnhôk tơbleăng pêi mâu tơdroăng tơkêa bro ‘na hngêi ối vâ kum tơniăn tơdroăng rêh ối dêi Kăn ƀô̆.