Hngêi trung Văn hoă Kŏng an Nhân yân II cho hngêi trung phôh thong nô̆i trŭ công lâp tơdjêp râ ing râ má môi troh râ má pái, ối tung Kŏng an kong pơlê Dak Lak. Mâu ngế ki rah cho kuăn mô đô̆i rong râ, hlâ hía; kuăn rơpŏng ai hnoăng tơnêi têa, vâi hdrêng hdrông kuăn ngo ai tơdroăng rêh ối pá puât; vâi hdrêng ối tung khu châ pơlê pơla tŏng gum ƀă mâu ngế tiô tơdroăng tơrŭm lâp plâi tơnêi dêi Khu xiâm Kŏng an.

Hơnăm 2026 – 2027, Hngêi trung rak xo a cheăm bêng mâu kong pơlê Dak Lak, Gia Lai, Lâm Đồng ƀă Quảng Ngãi. Sap hơnăm 2027 – 2028, po rơdâ kơpong rah xo hok tro tung lâp tơnêi têa. Tung hneăng hơnăm 2026 – 2030, Hngêi trung tiô tối hdrối tơdroăng hnê hriâm tâp rêm hơnăm dâng 1.500 hok tro a 3 râ. Mâu vâi o hok tro tiô hriâm a hngêi trung kô châ tŏng gum kơxô̆ liăn hriâm tâp ƀă ối kâ tung hngêi trung; tơdrêng amê châ hnê hriâm tâi tâng ‘na văn hoă, hiâm tuăn lĕm, tơdroăng rêh ối, hlê plĕng luât ƀă tuăn ihiâm mơno pôu râng hnoăng cheăng ƀă pơlê pơla.