Ing tơdroăng ngăn a hồ sơ, khu hnê mơhno hiăng ‘nâi nhên ai 15 ngế hlâ ai hnoăng hdrối nah tro kroăng phâk ƀă hiăng hlâ akố tung pơla hơnăm 1946 - 1951. Mâu ngế ki hlâ mê tâi tâng ối a tơring Diên Khánh, kot mâ 1898 - 1930 ƀă veăng pro kăch măng sap hơnăm 1945 - 1949, pêi hnoăng cheăng mê cho kăn ƀô̆ lăm tơplâ, yu kĭt, tiêuh đô̆i trương. Vâ pêi cheăng tơƀrê tăng tơkŭm, khu hnê mơhno púi vâ châ tơrŭm, tối ăm ‘nâi ing mâu hlá mơ-éa chêh nah ing on veăng nôu pâ nhŏng o ƀă kuăn pơlê; tŭm tơdroăng tơdah xo kô châ mơnhên ngăn hdrối hlối pơkí tro tiô pơkâ.

Kuăn pơlê ‘nâi nhên tơdroăng klâi ki tơdjâk troh kô krếo ăm Thiê̆u tă Trần Anh Nam, Chính trị viên phŏ xiâm Pơkuâ ngăn lêng cheăm Diên Khánh, ing kơxô̆ phôn, Zalo 0977.391.879; tâng ôh, kô pơtroh ƀă email namtran.tan@gmail.com.