VOV.Xơ Đăng - Nôkố, Tây Nguyên dế mot tung rơnó mêi hngê, ai mâu pơlê ki ‘nâ ối achê kĭng têa krông, têa kroăng, têa tum, têa long, kơpong klong thông trâu, tơ‘lêi tro têa đik kân, lân lu drêng kong mêi râ kân, mêi ton hâi. Xua mê, vâ hbrâ vía xía, ôh ta tro têa rơlêa drêng kong mêi cho túa ki kuăn pơlê vâ rak vế dêi châ chăn, tơmeăm khoăng, hngêi trăng, báu alâi, plâi pôm, rak tơdroăng rêh ối tơná. Kơ‘nâi kố, pó vâi krâ nhŏng o ƀă pú hmâ tơmâng ngin pro pơro “Rak têa ăm klâng, rak tơnêi ăm pơlê”.