VOV.Xơ Đăng - Rơnó tô mơdrăng xuân cho rôh vâi hdrêng hmâ xah hêi a mâu têa kroăng, têa long, hlối tơdjâk tơdroăng tơlêi klâk têa. Ki khât ăm hlo, tơdroăng tơngôu dêi mâu vâi ki hiăng kân, vâ vâi hdrêng xah hêi ro a mâu kơpong ki rơ-iô kô pro chiâng ai tơdroăng châi heăng tung hiâm mơno. Kơ’nâi kố, pó vâi krâ nhŏng o ƀă pú hmâ tơmâng tơdroăng pro pơro “Rơnó tôu mơdrăng rak tơniăn ăm vâi ‘nĕng” .

VOV.Xơ Đăng - Hâi kố lơ 26/4, cho hâi má 10/3 Bính Ngọ - Rơtế ƀă lâp tơnêi têa hvái ngăn troh hâi Xối tơbâ pơtáu Hùng hlâ, ôh tí xê to hâi mơdĭng lâp lu to a Tây Nguyên ƀă Kong tơbăng achê têa kơxĭ pá hdroh Tơdế Tơnêi têa ƀă pêi hên tơdroăng mơhno túa lĕm tro - ôm hyô ki tơviah krê. Túa lĕm tro mơhno ki kơnía ‘na xiâm rêi ing ton tĭn nah, ki tơ rŭm dêi rơpó ƀă ki tơdjêp pơla “kong ngo ƀă têa kơxĭ’’. Pro pơro hâi kố, ngin ai tối “Xiâm rêi kong ngo ƀă têa kơxĭ”.

VOV.Xơ Đăng - Hâi ki kố kơtăn kố klăng 80 hơnăm, pôa Hồ pơtroh kơthô ăm hneăng hôp mâu hdroâng mơngế peăng Hdroh tơnêi têa, a Pleiku (kong pơlê Gia Lai). Tơheăm chât hơnăm hiăng luâ, la mâu rơkong ki Pôa tối pơchân xuân ối kơnía, ai pơxúa. Ing mâu tơdroăng hnê pơchân nhên khât mê, kuăn pơlê mâu hdroâng kuăn ngo Tây Nguyên hiăng mot môi tuăn dêi rơpó, rơtế ƀă dêi rơpó tơkâ luâ tơdroăng tơplâ, kring vế dêi pơlê pơla, mơjiâng tơdroăng rêh ối phâi tơtô, hơniâp ro; tơxâng ƀă kơpong tơnêi “Kong mêa, têa kơxĭ hâu’’ hên túa lĕm tro ƀă tuăn pâ. Tơdroăng mê châ mơhno tơbleăng ing tơdroăng pro pơro “80 hơnăm - Rơkong Pôa Hồ pơchân tung dế kơpong kân rơdâ”.

VOV.Xơ Đăng - Pêi pro tiô troăng hơlâ dêi Đảng ƀă Tơnêi têa ‘na tơdroăng pơtối rak vế ƀă mơnhông ki kơnía lĕm tro hdroâng kuăn ngo, chêng koăng Tây Nguyên dế châ pơtối rak vế ƀă mâu tơdroăng pêi pro nhên khât ai pơxúa tung kuăn pơlê. A mâu pơlê, mâu krâ pơlê, ngê̆ nhân kơhnâ hnê tôu chêng ăm mâu rơxông ối nếo, vâ rơxông nếo pôi tá piu idrâp kong ngo drêng rế ai tơdrá hơdruê hên tiô chal nếo nôkố. Pro pơro hâi kố ai tối “’Rak idrâp chêng – lân rơdâ lâp pơlê’’.

VOV.Xơ Đăng - Tung pơlê pơla a Tây Nguyên, mâu tơdroăng xah hêi ro môi tiah ôu kâ hâk suâ hâi kot mâ, to hngêi nếo lơ ro châ rôe rơxế ôh ti xê to hlo rế ai hên ƀă chiâng tơdroăng ki hngăm hngo ăm hên rơpŏng hngêi. Sap tơdroăng xah ro, tơdroăng lăm ôu kâ pơkŏng pro chiâng tơdroăng ki tô tuăn, préa prŏng ó ‘na liăn ngân, pro khôi túa dêi pơlê pơla chiâng ôh tá ‘nhó lĕm ro.

VOV.Xơ Đăng - A hên pơlê cheăm kơpong Tây Nguyên, luât ăm mung liăn kơjo gum mơdrếo laih iâ hiăng po troăng gum ăm kuăn pơlê châ mơnhông cheăng kâ, tơniăn tơdroăng rêh ối. Laga, xuân ối ai mâu rơpŏng kơtiê hâi ta khên mung liăn, xua ôh ta hâi ‘nâi túa pêi cheăng kâ, ôh tá hlê nhên xúa kơxô̆ liăn mung mê vâ pêi kâ, xâu lơ tro lŭp ƀă ôh tá ‘nâi pơxiâm pêi ing tơdroăng ki lâi. Tơdroăng ôh tá khên mê rơtế ƀă tuăn tơmiât “Mung liăn ah xâu lơ chiâng chĕn’’ hiăng pro hên ngế ki ‘ló kô tơ’lêi vâ châ hluăn kơtiê, la troh mơ’nui chiâng ôh tá châ hluăn ing kơtiê. Pro pơro hâi kố, dó inâi “Athế khên xông tơtêk’’- cho rơkong pơchân tối tơngah rêm ngế vâi krâ-nhŏng o pin ai t8uăn chân, khên mung liăn, khên pêi pro cheăng kâ, vâ mơnhông ƀă tơniăn tung rêh kâ ối.

VOV.Xơ Đăng - Khế pái cho khế ki vâ mơhno tơdroăng hâk tơngăm dêi hơnăm ối nếo tung lâp tơnêi têa, vâ troh tơbâ hâi mơjiâng Đôan Droh rơtăm Kong sản Hồ Chí Minh lơ 26/3- tơkŭm pơla mâu hơnăm ối nếo pêng păm tơdroăng hâk vâ, đi đo kơhnâ pêi cheăng xua vâ gum kuăn pơlê ƀă vâ mơnhông dêi pơlê tơnêi têa. A pơlê Tây Nguyên, ếo drêh dêi khu droh rơtăm hiăng ƀă dế veăng ‘no hnoăng pro rế lĕm troăng pơlê, rak túa lĕm tro, mơjiâng tơdroăng rêh ối phâi tơtô, hơniâp lĕm. Pro pơro hâi kô, ngin ai tơdroăng “Droh rơtăm tơdjuôm ivá gum pơlê pơla’’.

VOV.Xơ Đăng

VOV.Xơ Đăng - Tây Nguyên dế hbrâ mot tung rơnó tô mơdrăng. Tiô tối hdrối, kong kô tô ó, xua mê, kal athế hbrâ mơdât xía vâ xua kong lối tô ó, tơdroăng kố khu kăn ƀă mâu pơlê cheăm ƀă kuăn pơlê hiăng rĕng thâ tơbleăng tối ƀă pêi pro mâu hnoăng ki vâ kơdroh xía vâ. Ing tơdroăng văng nhâ, kui tah trâp drô thông têa troh a tơdroăng mơhnhôk kuăn pơlê xúa têa tôh klâng chiâk ‘nâi kơdĭng ƀă mơ’no têa tro tơdroăng... Hbrâ ing apoăng vâ kơdroh ki tro lŭp, rak drêh lĕm ăm báu klâng, loăng plâi tung rơnó tô mơdrăng la ngiâ cho tơdroăng pro pơro a hâi kố.

VOV.Xơ Đăng – Klêi kơ’nâi Têt, kơpong Tây Nguyên mot a rơnó tôh kơphế. Tơdroăng pro pơro: Idrâp chuât sôk ro hâi nếo, pơtroh tơdroăng pơtâng hnê tối mơhnhôk kuăn pơlê lo lăm pêi cheăng pêt mơjiâng tơmeăm apoăng hơnăm vâ ai môi rơnó kơphế pêi lo châ hên. Klêi kơ’nâi hâi Têt, kuăn pơlê pêi chiâk deăng kal lo lăm rak ngăn tro hâi khế, ôh tá klâi, rơtế dêi pó pêi cheăng vâ rơnó nếo la ngiâ pêi lo châ hên kơphế.