VOV.Xơ Đăng - Nôkố, Tây Nguyên dế mot tung rơnó mêi hngê, ai mâu pơlê ki ‘nâ ối achê kĭng têa krông, têa kroăng, têa tum, têa long, kơpong klong thông trâu, tơ‘lêi tro têa đik kân, lân lu drêng kong mêi râ kân, mêi ton hâi. Xua mê, vâ hbrâ vía xía, ôh ta tro têa rơlêa drêng kong mêi cho túa ki kuăn pơlê vâ rak vế dêi châ chăn, tơmeăm khoăng, hngêi trăng, báu alâi, plâi pôm, rak tơdroăng rêh ối tơná. Kơ‘nâi kố, pó vâi krâ nhŏng o ƀă pú hmâ tơmâng ngin pro pơro “Rak têa ăm klâng, rak tơnêi ăm pơlê”.

VOV.Xơ Đăng - Rơnó pơtê hriâm cho pơla rôh vâi hdrêng châ pơtê, xah hêi kơ’nâi môi hơnăm hriâm tơbrêi. La bú tung to lâi khế kố nah. A Tây Nguyên hiăng ai lối 20 rôh klâk têa, mâu ngế klâk têa mê ki hên cho vâi hdrêng. A mâu thôn pơlê hơngế hngo, drêng mâu kân tơvâ tơdroăng pêi chiâk, vâi hdrêng xah hêi xêh a hngêi, brôk dêi rơpó lăm a têa krông têa kroăng têa long vâ hum ăm rơngiâp chiâng trâm tơdroăng klâk têa. Pro pơro hâi kố ai tối: “Pôi ăm rơnó pơtê hriâm chiâng tơdroăng khéa hơ‘nêng” tối tơbleăng hdrối tơdroăng mê.

VOV.Xơ Đăng - Tung măng dế po hên rôh vâ tơbleăng mâu tơmeăm ki kơnía túa lĕm tro ton nah troh mâu kuăn pơlê. Hên mâu vâi hdrêng hiăng xúa măng pơlê pơla vâ tơbleăng tơdroăng hơhdruê, rơngêi ting ting, rơkong tơpui ƀă ki lĕm krê dêi hdroâng kuăn ngo. Tung tơdroăng pro pơro a kơ’nâi kố, pó vâi krâ nhŏng o ƀă pú hmâ rơtế tơmâng tơdroăng hơ’muăn ‘na tơdroăng tơbleăng rơngêi ting ting troh achê ƀă rêm ngế ing măng internet.

VOV.Xơ Đăng - Hơniâp ro tung on veăng ai drêng ôh tá xê to a tơdroăng pêi pro ki klâi kân, mê kal ai tơdroăng ki hlê plĕng ƀă ‘nâi tơveăng gum dêi pó ‘na tơdroăng hmâ pêi pro rêm hâi. Klêi mâu chôu lăm a chiâk deăng, lơ pêi mâu tơdroăng cheăng pơlê pơla hiăng tơbrêi tơbrêh, troh a hngêi ah, mê kơpeăng kŏng dêi ngế kơnốu, lơ kơdrâi hôm ối vâ veăng pêi ƀă dêi on veăng há lơ ti lâi? Drêng troh hâi Rơpŏng hngêi Việt Nam lơ 28/6, pó vâi krâ nhŏng o ƀă pú hmâ rơtế tơmâng tơdroăng pro pơro “ Môi rơpŏng hngêi - péa kơpeăng kŏng”.

VOV.Xơ Đăng - Ing radio ki hmâ hmâng troh phôn râng kŏng rêm hâi, túa kuăn pơlê vâ ‘nâi mâu tơdroăng hiăng hên ki pơ’lêh. La mơhé tung rơ’jiu lơ tung măng, mâu ngế chêh hlá tơbeăng xuân mơ-eăm tơbleăng tối tơdroăng nhên tro, ai pơxúa troh kuăn pơlê. Drêng troh tơbâ 101 hơnăm Hâi Hlá tơbeăng Kăch măng Việt Nam, pó vâi krâ nhŏng o ƀă pú hmâ kô tơmâng tơdroăng pro pơro “Ing hyôh rơ’jiu troh tung măng”.

VOV.Xơ Đăng - Ivá châ chăn cho tơdroăng ki kơnía khât dêi rêm ngế, rêm rơpŏng hngêi. Laga tơdroăng hmôu pơ tro châi tamo, lơ trâm xía vâ, pin ôh tá lalâi châ ‘nâi hdrối. Xua mê, veăng rôe ƀaoh hiêm khăm pơlât cho ‘ló ‘nâng, gum kuăn pơlê châ rak ngăn dêi ivá lĕm mo, kơdroh ki pro mơhrê kơxô̆ liăn ngân hê̆n hĕng drêng tro tamo, mot pơlât tung hngêi pơkeăng.

VOV4.Xơ Đăng – Tơdroăng tơkŭm mơdâm kiâ ton hâi, kâ ôu ton hâi, tê mơdró hmâng to lo vâ dế pro mơhía mâu tơdroăng ki lĕm tro tung túa tơlá lĕm tro vâi krâ nah ƀă hlối mơhriê liăn ngân, mơ’nhê tơmeăm khoăng, pro tơdjâk troh rêh ối pơlê pơla. Pro pơro hâi tĭng kố, dó inâi ‘’Rak ki lĕm – tah ki ‘mêi’’ tối nhên tơdroăng rak vế, pêi pro túa lĕm tro tiô khôi hmâ tung mơdâm kiâ, rak ki nhuô̆m, tĭng, kơdĭng liăn ngân, kế tơmeăm ƀă pơtối rak túa lĕm tro dêi pơlê cheăm.

VOV.Xơ Đăng - Hơnăm ối nếo đi đo kal châ hơ-ui pâ, châ rak ngăn vâi ‘nĕng krâu khât. La tung tơdroăng rêh ối nôkố, hên mâu nôu pâ xua tơvâ hên tơdroăng cheăng, ai drêng ‘nâ piu hiât, mơdoh hên chôu pêi pro cheăng ki ê, iâ vâ tơmâng dêi kuăn ‘nĕng. Môi tơmeăm ki lĕm má môi ăm vâi hdrêng ôh tá xê hmân ếo nếo lơ kơƀăn kĕo, mê ối cho hmâ achê, tơpui ƀă vâi, hnê mơhno tơdroăng lĕm hlôi mơhnhôk tơdrăng, hnê tối tá tuăn tá mơno khât ing nôu pâ, nhŏng o tung pơlê pơla ƀă vâi kuăn ‘nĕng. Pro pơro a kơ’nâi kố, ngin ai tối ‘na tơdroăng mê.

VOV.Xơ Đăng - Pơla kong tô ó a Tây Nguyên, kong tô téa ton hâi pro loăng plâi pêt răng hŏn, kơnhŏng têa rế xiâ, hên kuăn pơlê xuân ối tơkôm a “kong mêi” môi tiah tuăn loi ki hmâ loi ing nah. Tơdrêng amê cho tơdroăng kuăn mơngế tăng hên têa mŏng, chôu muih chiâk ôh tá vâ ngăn krâu pro rế kơdroh deăng kong pro têa thăm rế xiâ ó tâ. Tơdroăng pro pơro hâi tĭng kố ai tối ‘na troăng hbrâ hmâ ƀă rak kơnhŏng têa, loăng plâi pêt kô châ tơkâ luâ rơnó mơdrăng, ƀă tơdroăng cheăng kâ nếo châ pơtối rak tơniăn.

VOV.Xơ Đăng - Rơnó tô mơdrăng xuân cho rôh vâi hdrêng hmâ xah hêi a mâu têa kroăng, têa long, hlối tơdjâk tơdroăng tơlêi klâk têa. Ki khât ăm hlo, tơdroăng tơngôu dêi mâu vâi ki hiăng kân, vâ vâi hdrêng xah hêi ro a mâu kơpong ki rơ-iô kô pro chiâng ai tơdroăng châi heăng tung hiâm mơno. Kơ’nâi kố, pó vâi krâ nhŏng o ƀă pú hmâ tơmâng tơdroăng pro pơro “Rơnó tôu mơdrăng rak tơniăn ăm vâi ‘nĕng” .