VOV4.Xơ Đăng – Tây Nguyên dế tung rơnó tôu ó. Klêi mâu rôh hriâm a lâm, a hngêi trung vâi hdrêng hmâ lăm a têa long, têa kroăng têa krông vâ hum, vâ hêi a tíu ki rơngiâp, xah a têa cho rơ-iêo khât. Ăm hlo, pơla a chê kố a kơpong Tây Nguyên pơtối ai ngế klâk têa ‘ló khéa hơ-ui ‘nâng. Tiah mê, pin thế pro tiah lâi drêng hlo ai mâu tơdroăng khéa hơ’nêng mê? Pro pơro a kơ’nâi kố, ngin vâ tối ‘na tơdroăng mê.

VOV4.Xơ Đăng – Hiăng hên hơnăm hdrối mê hía nah, hên rơpŏng kuăn pơlê a mâu pơlê pơla hngế hngo maluâ pêi cheăng kâ châ tơƀrê la xua ôh tá ‘nâi xúa liăn tro tơdroăng, vâi hmâ “mung liăn hdrối vâ roê tơmeăm”, tơdroăng pro kố xuân ối hlo hên a mâu pơlê pơla cheăm pin. Xua yă kơphế tâk chu ôh tá ‘nâi hdrối mê hiăng pro tuăn hiâm kuăn pơlê chiâng ôh ti tơnăn, ivá tơbrêi tơbrŏng pêi cheăng plâ hơnăm plâ rơnó, pro tơdroăng rêh ối dêi kuăn pơlê chiâng trâm hên pá puât, pơtối ai tơdroăng kơtiê xơpá. Pro pơro a kơ’nâi kố ngin ai tối ‘na tơdroăng mê.

VOV4.XƠ Đăng - Tây Nguyên hiăng troh rơnó tô mơdrăng khăng khoăng ó, a hên pơlê cheăm hyôh tô téa ó, ing mê, thăm tơ’lêi pro on chếo kâ kong. A mâu kơpong hngế hngo, pơlê hdroâng kuăn ngo rêh ối achê kong, tơdroăng hbrâ mơdât on chếo, tơpâ on chếo kong dế cho hnoăng cheăng ki mâu khu kăn, kơvâ ngăn kong, mâu ngế pơkuâ, rak ngăn kong ƀă vâi krâ-nhŏ ng o tơmiât hên tăng troăng vâ hbrâ pêi pro mâu tơdroăng châ teăm mơdât, ôh tá ăm on châ chếo kâ kong.

VOV4.Xơ Đăng - Tây Nguyên ai 4 to kong pơlê ai troăng tơkăng kong tơdjêp kĭng ƀă mâu kong têa pú cho Lếo ƀă Kul. Mâu hơnăm hdrối mê hía nah, khu Mố đô̆i gâk tơkăng kong mâu kong pơlê tung kơpong Tây Nguyên ôh ti xê pêi pro tro hnoăng cheăng rak vế hnoăng pơkuâ gâk kring tơkăng kong tơnêi têa, mê ối ai hên tơdroăng cheăng pêi pro tŏng kum kuăn pơlê mơnhông mơdêk cheăng kâ rêh ối pơlê pơla. Hâi kố, hâi lơ 3/3 Tơbâ 65 hơnăm Hâi mơjiâng Mố đô̆i gâk tơkăng kong ƀă 35 hơnăm Hâi tâi tâng kuăn pơlê gâk kring tơkăng kong.

VOV4.Xơ Đăng - Hâk phiu kâ báu nếo cho môi tung mâu tơdroăng po mơdĭng rơtế ƀă tơdroăng rêh ối pêi cheăng kâ dêi mâu hdroâng kuăn ngo Tây Nguyên sap ing ton nah troh nôkố. Drêng rơnó xuâ báu hiăng tâi, báu hiăng châ tâ pêng kơxâk, châ ‘măn pêng tung hnôu dêi tơrêm rơpŏng hngêi, mê vâi krâ-nhŏng o hbrâ dêi mâu í, drôu xiâm, tơxông prông, hmê châ pế ing báu nếo. Kố cho tơdroăng po mơdĭng vâ mơnê kơ khu xeăng báu ƀă mâu xeăng hiăng kum pro ăm kong mêi tro, tô ‘ló, báu, loăng plâi xông chiâng dâi lĕm, kơpâu hên, hlối rơkâu pâ ivá mo xêi tơdroăng rêh ối ai hmê kâ phâi tơtô, rêh ối hơniâp ro. Pro pơro kơ’nâi kố, ngin ai tối ‘na tơdroăng po tĭng kâ báu nếo.

VOV4.Xơ Đăng - Tơkŭm dêi rơpó tung pơlê rêm rôh ai tơdroăng mơdĭng kân cho túa lem tro tung tơdroăng rêh ối dêi mâu hdroâng kuăn ngo Tây Nguyên. Ing mâu tơdroăng mê, hên ki kơnía git túa lem tro má môi hiăng châ pơtối ‘măn rak, ing rơxông kố troh rơxông ki ê môi tiah chêng koăng, hơ’muăn hdrôu rơngê rơngôi, mâu tơdroăng rơngêi ting ting ƀă luâ tâ cho môi túa lĕm tro dêi kuăn pơlê, môi tuăn dêi rơpó tơbleăng tơdroăng ro, tối tơdroăng khéa kho. Hâi mơ’nui dêi hơnăm 2023, pó vâi krâ nhŏng o ƀă pú hmâ veăng xah ro hbrâ troh hơnăm nếo a môi pơlê Tây Nguyên tung tơdoăng rêh ối nôkố ing tơdroăng pro pơro.

VOV4.Xơ Đăng – Tơdroăng ‘măn rak ƀă xúa hmâng vâ mâu kế tơmeăm chiâng pơtôu ki hên tơdroăng rơ-iêo, pro ôh tá tơniăn tung pơlê pơla, thăm nếo rơ-iêo troh ivá tơná. Tơdroăng ‘măn rak tơmeăm chiâng pơtôu, xúa hmâng vâ mâu tơmeăm ki chiâng pơtôu (tá mâu pháu hnêa ki tăng pro xêh) ăm tơdroăng xôi luât. Tung pơla hdrối kố hía nah, a mâu pơlê kơpong hngế hngo, mâu khu râ pơkuâ cheăng châ hlo ngế xúa kơtoâ mâu pháu hnêa ki vâi tăng pro xêh.

VOV4.Xơ Đăng - Tung mâu hơnăm hdrối mê hía nah, luât pơkâ mơhá liăn ăm hnoăng rak ngăn kong tung kong pơlê Kon Tum châ tơbleăng pêi ai pơxúa tơƀrê khât hiăng kum kuăn pơlê hlê plĕng tung rak ngăn, kring vế ƀă mơnhông pêt kong dêi mâu ngế pơkuâ rak kong ƀă mâu rơpŏng kuăn pơlê xo rak ngăn kong chôa mơdêk hlê plĕng. Kuăn pơlê hlê plĕng tâ tung pêi pro hnoăng cheăng rak ngăn ƀă mơnhông pêt kong a pơlê cheăm hlối hlê nhên ki pơxúa, hnoăng cheăng pêi dêi tơná. Pro pơro hâi kố pơxá “Mơhá liăn ăm hnoăng rak ngăn kong - Ki pơxúa krá ton” tối ki pơ’lêh hlê plĕng dêi kuăn pơlê tung tơdroăng xo rak ngăn kong, veăng mơdêk ki pơxúa a rak ngăn, mơnhông pêt kong a tơnêi kong.

VOV4.Xơ Đăng – Tây Nguyên dế mot tung rơnó krí kơphế. Pakĭng tơdroăng phiu ro xua tê ai yă, mơngế pêt kơphế kâ hmê ôh ti ln, koi ôh ti hlâk xuâ tuăn tơmiât xâu vâi to krí kơphế. Hên ngế tối “Krí ối ‘miê hôm tâ lôi tum a chiâk”. Tơdroăng kố ôh ti xê pro kơdroh plâi kơtóu, ki lĕm dêi kơphế mê ối tro mâu khu mơdró hdjip yă. Vâ ví tơdroăng kố, kal ai troăng rak tơniăn tung rơnó krí kơphế.

VOV4.Xơ Đăng - Tung rêm rơpŏng hngêi, tâng rêm ngế hlê plĕng, tối ‘na tơdroăng cheăng ăm dêi rơpó mê tŭm tơdroăng kô chiâng pêi; ôh tá pro pá ăm dêi rơpó. Hmâ hlo, tơdroăng cheăng tung hngêi, pế pơchên hmê kơchâi, rak ngăn kuăn ‘nĕng... xua ngế kơdrâi pêi, mâu tơdroăng cheăng ngah lơ kŭn, mơdoh hên chôu, pro mơngế kơdrâi tơvâ hên tơdroăng cheăng, malối ƀă mâu rơpŏng ki ai kuăn ‘nĕng tơxĭn. Xua mê, kal ai ngế kơnốu veăng kum. Pro pơro hâi tĭng kố, ai tối ‘na tơdroăng mê, pó vâi krâ nhŏng o kô tơmâng: