VOV.Xơ Đăng - Hâi lơ 27/7 rêm hơnăm- Hâi tơbâ mâu mố đô̆i rong râ hlâ hía - cho rôh vâ tâi tâng Đảng tâi tâng kuăn pơlê ƀă tâi tâng mâu lêng pin pâ troh, tơbâ hnoăng kân dêi mâu ngoh ki hiăng hlâ, mâu ngế tơplâ tro rong râ châi tamo, jâ nôu Việt Nam khên tơnôu - mâu ngế hiăng pleăng tơná plâ rơxông pêi cheăng ăm kăch măng vâ pro tơleăng lĕm hdroâng mơngế. Tơdroăng “ Ai tơdroăng niân tiah kố kơnôm ai hnoăng vâi krâ nah” cho tơdroăng hmâ pêi pro ki lĕm ing nah “Mơnê kơ mâu ai hnoăng’’ xuân ối châ rak ngăn ƀă tơbleăng tro tơrêm rơxông kơ’nâi: Tung tơdroăng lĕm ro phjâi tơtô dêi kuăn pơlê a Tây Nguyên, khu đoân droh rơtăm tơkŭm dêi rơpó hơpui tơno tơbâ mâu rơpŏng ai hnoăng kăch măng. Ing rơkong hơ’muăn tối mâu tơdroăng ki ai khât, rơrêk dêi krâ pơlê- môi ngế lêng hneăng hdrối ƀă hiă

VOV.Xơ Đăng - Mơni đăi hok cho tơdroăng ki pốu ƀă hên ngế, la ôh tá xê môi troăng ki vâ pêi cheăng. Ƀă mâu hơnăm ối nếo kơpong kuăn ngo, hriâm cheăng cho rôh ki ai pơxúa, kum mâu vâi o mơnhông tơná, veăng mơjiâng dêi pơlê. Pro pơro hâi kố ngin ai tối “Hriâm cheăng pêi xuân cho troăng prôk troh la ngiâ”.

VOV.Xơ Đăng

VOV.Xơ Đăng

VOV.Xơ Đăng - A kơpong tơnêi Tây Nguyên hên kong tô khía, tơdroăng rêh ối dêi hên kuăn pơlê hdroâng kuăn ngo ối trâm hên xơpá, tơdroăng “Têa tah hngêi pơtân, hngêi xi kơchoh’’ dế pro pơ’lêh nhên. Ôh tá xê to mâu hngêi nếo pro lĕm, krá kâk, mê ối cho vâ pơtih ki môi tuăn pơla mâu kăn, mâu lêng ƀă kuăn pơlê. Pro pơro “Têa tah hngêi xi kơchoh-mơjiâng hngêi tung la ngiâ” cho tơdroăng hơ’muăn khât ƀă rơrêk tung hiâm mơno pơla mâu lêng kŏng an cheăm H’Linh ƀă krâ pơlê, mơhno ki pơxúa lĕm trâu ing mâu hngêi tuăn pâ.

VOV.Xơ Đăng - Rơnó pơtê hriâm dêi mâu vâi o hok tro a mâu pơlê nôkố, pakĭng mâu hâi lăm a chêk, tro trâp tơnêi, xah hum a têa long trâp tung mâu hâi peăng xêi ối ‘nân a loăng teăn jiâ, rơmoăng dêi mâu vâi jâ, vâi nôu, ngăn troăng ‘mot prế teăn, ngăn hriâm ‘mot kơxái prế vâ teăn, thâ ăm chiâng mâu um reăng ki rơneăm rơnuâ tơ-eăng lĕm a jiâ, rơmoăng, pơtak ki teăn lĕm, ‘nâ hía ối rơtâ tá hơpiâp on hmâng mâu vâi pôa hơ’muăn drêng kong xêi. Ƀă rơnó pơtê hriâm ki môi tiah mê, cho môi rơnó ki ai pơxúa ƀă mâu vâi o a mâu pơlê hơngế achê. Kơ’nâi kố, pó vâi krâ nhŏng o ƀă pú hmâ tơmâng tơdroăng pro pơro “Rơnó pơtê hriâm a pơlê”.

VOV.Xơ Đăng - Pơla tơdroăng rêh ối túa nếo nôkố ƀă tơdroăng rêh ối cheăng ƀă kơmăi kơmok rế xông tơƀrê, mâu ngế chêh hlá tơbeăng hơnăm ối nếo, mâu ngế cheăng chêh hlá tơbeăng dêi Rơ’jíu Việt Nam xuân kơhnâ djâ rơkong tơpui dêi pơlê ‘no tung hyôh, ôh tá xê to mơ’no tung radio mê ôi mơ’no ing măng internet, măng pơlê pơla. Vâ troh tơbâ 100 hơnăm Hâi Hlá tơbeăng Kăch măng Việt Nam lơ 21/6, tơdroăng hâi kố, ngin ai pro pơro “Rơkong tơpui ing pơlê‘’. Mê cho tơdroăng tơpui hmâ pơla krâ pơlê (hlối cho ngế ki hmâ tơmâng rơ’jíu, hlối cho ngế kum pêi hnoăng cheăng dêi rơ’jíu Việt Nam) ƀă ngế kơdrâi ki chêh hlá tơbeăng hơnăm ối nếo. Mơhé hmâ chêh hlá tơbeăng ing nah lơ chêh hlá tơbeăng tiô chal nôkố xuân ai tơdjuôm ivá, mê cho: rak rơkong tơpui dêi pơlê, tơbleăng tro tơdroăng

VOV.Xơ Đăng - Nếo apoăng rơnó mêi, la a kơpong Tây Nguyên hiăng hlo hên tơdroăng kong prâi oh tá tơniăn mê cho inôa prăng, kơblêa kân, tơro têa têi pro hlâ mơngế ƀă tơ’nhiê kế tơmeăm. Malối, bú tung pơla iâ phut hiăng pro hên rôh tơro têa hlâ mơngế a chiâk, a klâng, drô troăng prôk. Tơdroăng ki tô tuăn tâ a môi tíu ki ê, kuăn pơlê ôh tá vâ rĕng tơmâng hmếo tơngôu, oh tá vâ hbrâ rơnáu ví xía vâ kong prâi pro ôh tá tơniăn.

VOV.Xơ Đăng - Vâ hbrâ ví tơdroăng vâi hdrêng tro klâk têa, trâm xía vâ drô troăng prôk, tro on lơtrik hrik ƀă lơ ngăn hên tung phôn râng kŏng, ƀă ngăn điê̆n tưh tung pơla rơnó pơtê hriâm, drêng troh hâi lơ 1/6, Khu kăn cheăm hiăng tơrŭm ƀă kơ koan tíu pêi cheăng tơkŭm po hnê tơrêm pơlê, hnê ăm vâi hdrêng ‘nâi kring vế tơniăn, veăng mơhno djâ ăm châ hêi ro môi rơnó pơtê hriâm mo xêi, ai pơxúa. Pó vâi krâ nhŏng o ƀă pú hmâ tơmâng tơdroăng pro pơro “Rơnó pơtê hriâm tơniăn, vâi hdrêng hơniâp ro”.

VOV.Xơ Đăng - Dế ối rêh nah, Pôa Hồ Chí Minh, Kăn xiâm hnê ngăn tơnêi têa ki apoăng pâ khât kơ mâu kuăn ngo. “Ngo kô chiâng tơhnah tơhnâp, têa kroăng kô chiâng xiâ, la hiâm mơno Pôa đi đo mơjo pâ kơ mâu kuăn pơlê peăng Hdroh tơnêi têa, tơdroăng mê ôh tá la lâi kâi pơ’lêh”- Rơkong Pôa pơchân tung kơthô pơtroh ăm Hneăng hôp mâu hdroâng kuăn ngo peăng Hdroh hơnăm 1946 xuân ối pâ vế đi đo tung tuăn ngôa dêi mâu rơxông. Tơbâ 135 hơnăm hâi kot mâ Pôa Hồ lơ 19/5 cho rôh vâ mâu hơnăm ối nếo mâu pơlê a Tây Nguyên mơhno hiâm mơno ‘nâi pâ mơnê kơ Pôa Hồ, tối vâ mơ-eăm pơxiâm pêi cheăng, pro xiâm kŏng ngê̆, kring vế hyôh kong prâi ƀă rak vế khôi túa vêa vong lĕm tro kuăn ngo. Pro pơro “Hơnăm ối nếo Tây Nguyên pêi pro tiô rơkong pôa” vâ mơhno tuăn pâ.