VOV4.Xơ Đăng - A Tây Nguyên dế tung rơnó tô mơdrăng. Klêi kơ’nâi mâu hâi pơtê Têt Lo hơnăm nếo, kong rế tô ó, tơdroăng rak ngăn loăng plâi cho kal păng ‘nâng, malối cho loăng kơphế. La xuân ối ai mâu ngế ki ‘nâ klâi alah “Kâ Têt luâ tơdroăng”, malối mâu kơnốu ki hmôm ôu drôu, xuân hâi vâ lăm pêi chiâk.

VOV4.Xơ Đăng - Hâi kố cho hâi lơ 27 khế Môi chât péa, Têt Lo hơnăm nếo Ất Tỵ dế vâ chê troh. Tơdrêng ƀă rêm tíu tung lâp tơnêi têa, tung hơnăm nah, mâu tơdroăng pêi pro tung rêh ối pơlê pơla troh kuăn pơlê a kơpong hơngế hơngo, kơpong tíu tơkăng kong mâu kong pơlê kơpong Tây Nguyên châ ai tơdroăng hbru gum. Tơdroăng lăm pôu, hbru tơmeăm Têt ƀă mâu rơpŏng kơtiê châ hbrâ rơnáu pêi krâu khât, vâ tâi tâng kuăn pơlê châ kâ Têt tung hiâm mơno phiu ro, phâi tơtô.

VOV4.Xơ Đăng - Tơdroăng rêh ối cheăng kâ nôkố rế ton rế tơƀrê tâ iâ, tơdroăng rôe rơxế hon đa ƀă kuăn pơlê a mâu pơlê kơpong hơngế hơngo, kơpong hdroâng kuăn ngo ôh tá xê pá. La ki ôh tá hlê, ôh tá rak krâu rơxế cho tơdroăng ki vâ tơpui tối. Hên kuăn pơlê drêng rôe rơxế djâ troh a hngêi hiăng ôh tá ‘măn rak krâu lôi ăm kuăn ‘nĕng ki hâi teăm tro hơnăm kơto, ôh tá ai ƀâng vê rơxế ... hmôu xo kơto rơxế kơtâu a drô troăng pro rơ-iô păng ‘nâng.

VOV4.Xơ Đăng - Tơdroăng rêh ối nôkố djâ hên tơdroăng ki tơ’lêi pơxúa, malối mâu tơdroăng tê rôe tơmeăm tung măng internet. Bú ai to liăn, ối ‘nân a hngêi pin hiăng châ “rôe tâi lâp plâi tơnêi”. Laga “ki tơ’lêi mê ai ki ‘mêi”, hiăng hên ngế há tro vâi hêak pơloi ing tơdroăng tê rôe tơmeăm online, pin thế hbrâ rơnáu đi đo. Malối a rôh mơ’nui hơnăm, rôh vâ chê Têt, mâu khu ‘mêi ki hriăn hêak pơloi vâi hmâ xúa rôh tơ’lêi vâ pro pơxúa ăm tơná. Pro pơro kơ'nâi kố ai tối tơdroăng mê.

VOV4.Xơ Đăng - Tơdroăng ôu hên drôu ƀiêr tung mâu rôh ôu kâ pro chiâng tơdjâk hên tơdroăng ‘mêi. Malối a mơ’nui hơnăm, aihên to vâi nhăng po ôu pơkoăng, ôu kâ mơgêi hơnăm ton, to hngêi nếo, kot mâ, hên ngế ôh tá kâi mơgât dêi châ ôu lối hên, xuân ối ôu drôu ƀiê̆r pro chiâng ai tơdroăng ki rơ-iô kơ’nâi mê. Ôh ti xê to pro xôi troăng prôk, tro pơxâu phâk, mê ối tro rong, xía vâ tơdjâk ‘mêi troh ivá châ chăn.

VOV4Xơ Đăng - Rêm hơnăm, troh a mơ’nui hơnăm hbrâ tơdah Têt, tơdroăng tê mlŏi ƀă tro rong ing mlŏi ki hriăn pro hlo hên. Malối, tơdroăng hok tro po măng pơlê pơla rôe trếo pro mlŏi hiăng pro hên tơdroăng tro rong râ. Mâu tơdroăng ki mê ôh tá xê to xôi luât mê ối mơnhâu ôh tá tơniăn ivá châ chăn ‘na hlâ mơngế

VOV4.Xơ Đăng - Hâi kố, lơ 22/12/2024, Tơbâ 80 hơnăm Hâi mơjiâng khu lêng kuăn pơlê Việt Nam ƀă Tơbâ 55 hơnăm Hâi khu lêng gak tơkăng kong tâi tâng kuăn pơlê. Tung lâp tơnêi têa dế pêi pro hên tơdroăng cheăng tơbâ hnoăng dêi mâu lêng ƀă kuăn pơlê pin, malối cho mâu hnoăng veăng ‘no ki kân dêi mâu lêng hneăng hdrối Việt Nam tung mâu rôh tơplâ xâ, tŏng gum dêi tơnêi têa, mơjiâng ƀă kring vế Tơnêi têa.

VOV4.Xơ Đăng - Nôkố, yă kơphế đi đo to kơnâ tâng vâ pơchông ƀă mâu hơnăm hdrối mê hía nah. Pakĭng tơdroăng ki phiu ro châ xo plâi hên, hlối ai yă, kuăn pơlê pêi chiâk xuân dế tô tuăn xâu ai khu ki ‘mêi lăm tong kơphế drêng pơla kố khu ki tong ôh tá xê to vâi tong krí kơphế mê ối đôu, hnêi ta tơkâng, ko xiâm loăng, pro lŭp hên ăm kuăn pơlê tung mâu hơnăm la ngiâ. Tơdroăng lăm ngăn vâ gak vế hnoăng ki pêi cheăng dêi mâu rơpŏng hngêi ƀă kuăn pơlê hlo ai hên khu tong cho tơdroăng ki kal khât. Pro pơro hâi kố, ngin ai tối ‘na tơdroăng mê.

VOV4.Xơ Đăng - Kơtăn kố lối 20 hơnăm, Vi ƀan xiâm Măt trâ̆n tơnêi têa Việt Nam hiăng pơkâ xo hâi lơ 18/11 rêm hơnăm cho ‘’Hâi hôp Tơrŭm môi tuăn tâi tâng hdroâng kuăn ngo”. Tung mâu hâi ki kố, a Tây Nguyên ƀă tung lâp tơnêi têa dế tơkŭm po “Hâi leh tâi tâng tơrŭm môi tuăn hdroâng kuăn ngo’’ tung tơdroăng phiu ro ƀă mơjo pâ, hơ-ui gum dêi rơpó pơla mâu kuăn pơlê. Kăn xiâm pơkuâ hnê ngăn Đảng, Tơnêi têa, râ ủy, mâu kăn mâu kong pơlê rơtế phiu ro ƀă mâu kuăn pơlê tung hâi leh kân kố.

VOV4.Xơ Đăng - Hiăng hmâ kơ’nêi hmâng vâ mơnăn mơnôa, kơpôu-ro-chu, ôh tá vâ pro kơdroăng păn cho túa tơlá ki ôh pá tro dêi chal ton nah mê xuân u ối hlo ối troh nôkố a mâu pơlê hngế hngo, kơpong hdroâng kuăn ngo ki rêh ối a Tây Nguyên. Túa păn ki ôh ta krúa kố ga pro ‘mêi hyôh kong prâi, tơnêi tíu, tơdjâk ‘mêi troh ivá rêm ngế kuăn pơlê.