VOV.Xơ Đăng - Kơ’nâi rôh kong mêi têa kân lân lu ton hâi pro tơdroăng krí kơphế ƀă têng kơphế dêi kuăn pơlê trâm hên xơpá. Ing mê ăm hlo, tơdroăng pêi cheăng thăm rế hlo nhên ki pá, pơkâ thế kuăn pơlê pơ’lêh túa pêi, tơmâng khât ki tơbrê dêi kloăng kơphế, hlối veăng tung Khu ngăn ‘na tơrŭm pêi cheăng vâ pêi lo tơmeăm, châ tê mơdró tiô pơkâ. Kố châ ngăn cho troăng prôk ki krá kak kum ăm kuăn pơlê tơniăn pêi lo kế tơmeăm, mơdêk ki pơxúa tơmeăm pêi lo ing chiâk deăng a hngêi kơchơ mơdró.