Tơnêi tơhnah tơhnâp ó a văng Gia Bắc, Troăng kân 28 mơdât prôk lăm ing péa pâ
Thứ năm, 13:40, 04/12/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kong măng hâi lơ 3/12, kong mêi kân ton chôu hiăng pro hên tíu ai tơnêi tơhnah ki ó a văng Gia Bắc, ối tung Troăng kân 28, tíu ki luâ cheăm Sơn Điền (kong pơlê Lâm Đồng).
Drêng ai tơnêi tơhnah, khu ki ai tơdjâk troh hiăng mơdât tíu ki mê, mơdât tâi tâng mâu rơxế prôk lăm a troăng tá péa pâ vâ rak tơniăn. Hlo ai 5 tíu hliâk, tung mê ai môi tíu ai tơnêi hmốu hên sap ing rơnâk pêng klêh a tơnêi, kơđu lôi troăng. Vi ƀan hnê ngăn cheăm Sơn Điền dế tơrŭm ƀă Kăn sat gâk troăng prôk Kŏng an kong pơlê Lâm Đồng gâk hâi măng vâ xoăng, hnê mơhno mâu rơxế vêh tơrôu, pôi tá mot tung kơpong ki rơ-iêo.
Tíu pêi cheăng pơkuâ ngăn troăng xuân dế pơtroh mâu ngế cheăng, kơmăi kơmok troh a tíu ki ai tơnêi tơhnâp vâ rĕng khuih tah tơnêi hmốu mơgrúa lĕm troăng prôk.
Viết bình luận