Klêi kong mêi têa lu, ing tơdroăng tŏng gum, Vi ƀan Kuăn pơlê kong pơlê Khánh Hòa hiăng pơkâ kơjo kum  rêm pơleăng mâ mơngế ki ai hngêi tơhnâp 1 rơtuh liăn. Pakĭng mê, hok tro sap râ má môi tơngi klêng, châ kơjo kum tơ’nôm 800 rơpâu liăn. Troh nôkô, Khu xiâm ngăn liăn ngân kong pơlê Khánh Hòa hiăng tơkŭm ƀă xoăng 445 rơtal liăn vâ mâu cheăm, bêng kơjo kum kuăn pơlê.

Pôa Trần Phong Kăn xiâm hnê ngăn Vi ƀan kuăn pơlê kong pơlê Khanh Hòa ăm ‘nâi, mâu kăn ƀô̆ a mâu cheăm, bêng dế tơbleăng pêi hên tơdroăng cheăng môi tiah: Tơkâ luâ xơpá, tơbleăng tơdroăng  mơnhông cheăng kâ - rêh ối, kum mâu tơdroăng ki kal tơdrêng ăm kuăn pơlê... La, tơdroăng kơjo kum liăn ăm kuân pơlê cho kal, thâ pêi pro. Pôa Trần Phong tối pơchân, tâng tơbleăng hrá kô kơdroh ki pơxúa ki lĕm dêi tơdroăng tŏng gum.