Ngế pro xiâm hnê ngăn tơnêi têa pơkâ rêm măng tĭng tơbleăng tơdroăng mơjiâng, rơnêu hngêi ăm Kuăn pơlê klêi kơ’nâi mơhot, têa lân lu
Thứ sáu, 10:21, 05/12/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Hâi lơ 3/12, pôa Phạm Minh Chính, Ngế pro xiâm hnê ngăn tơnêi têa kĭ mơ-éa pơkâ mâu kong pơlê thâ tơbleăng tơdroăng mơjiâng pêi pro ‘’Tơdroăng mơjiâng pro Quang Trung’’ mơjiâng ƀă rơnêu hngêi ăm kuăn pơlê kơpong mơhot têa lân lu.
Mơ-éa tối nhên mâu kong pơlê chiu tro lup râ ó môi tiah Hà Tĩnh, Quảng Trị, Thừa Thiên Huế, Đà Nẵng, Quảng Ngãi, Gia Lai, Dak Lak, Khánh Hòa, Lâm Đồng... thế pro pơkâ pêi inhên, mơnhên kơxô̆ hngêi kal mơjiâng nếo, kơxô̆ hngêi kal rơnêu, tơdroăng mơjiâng pro ƀă xing xoăng hnoăng inhên hnê mơhno, séa ngăn. Tơbleăng thế pơtroh tiah hmâ rêm măng tĭng hdrối 15 chô hâi Tơdrố, hlối ai ‘noăng chư chêh inhên ‘na tơdroăng mơjiâng pro ƀă kơxô̆ hngêi kêi đeăng vâ kum tung tơdroăng tơkŭm tâi tâng, tơrŭm dêi mâu khu xiâm, kơvâ cheăng.
Khu xiâm pơkuâ mơjiâng pro tơmeăm khoăng châ pơcháu tơniăn tơmeăm mơjiâng pro, ví kơtôa ‘măn tơmeăm, mơdêk yă; Séa ngăn Chin phuh séa ngăn, lăm ngăn vâ mơdât tơdroăng ki ôh tá lĕm tro ƀă mơ’nhê tê kơtê.
Viết bình luận