Tối tơbleăng a rôh Hôp, pôa Tô Lâm Kăn xiâm pơkuâ hnê ngăn Đảng tối tơmâng xo, khê̆n kơdeăn ki ‘nâi mơ-eăm khât, djâ troăng ahdrối, ƀă mâu tơdroăng hiăng pêi hlo tơƀrê dêi Đảng ủy Kong an Xiâm tơnêi têa, Khu xiâm Kong an tung hơnăm 2025. Hnê mơhno mâu tơdroăng cheăng ki kal tung mâu hơnăm la ngiâ, pôa Tô Lâm Kăn xiâm pơkuâ hnê ngăn Đảng pơkâ thế, mâu lêng Kong an kuăn pơlê tơkŭm tâi ivá kring vế tơniăn, pro tơniăn rôh hôp mâu kăn tung lâp tơnêi têa má 14 dêi Đảng ƀă tâ phĭu rah xo kăn Kuô̆k hô̆i hneăng 16, tâ phĭu rah xo kăn  Hô̆i đông kuăn pơlê hneăng 2026-2031.

Pôa Tô Lâm  tối nhên, vâ pê klêi tơdroăng Pơkâ rôh Hôp má 14 ƀă mâu troăng hơlâ dêi Đảng kal thế mơ-eăm, kơdôu mơ-eăm kân tâ, ki tơƀrê rơdêi dế tâi tâng Đảng , tâi tâng kuăn pơlê, tâi tâng mâu lêng ƀă ing tuăn tơmiêt vâ xua vâ mơnhông dêi tơnêi têa, xua vâ hơniâp dêi Kuăn pơlê; tung mê ai hnoăng  ki xiâm, hnoăng veăng ‘no dêi mâu lêng Kong an kuăn pơlê  ki kal tơmâng khât.