Tơbleăng mơgêi, jâ Phạm Thị Thanh Trà Phŏ Ngế pro xiâm hnê ngăn tơnêi têa  tối pơchân, kal mơ-eăm ƀă ing tuăn mơno pêi cheăng  hên tâ xua tâng ôh tá pêi rĕng kô pá vâ pê klêi tâi tâng tơdroăng cheăng ki châ pơcháu. Tơdjâk troh tơdroăng pơkâ kâ liăn tiêo ‘na tơdrăng cheăng pêi. Phŏ Ngế pro xiâm hnê ngăn tơnêi têa  pơkâ thế hlối mơjiâng, hlối tăng ngăn, pơkâ cho pro xiâm tơpui tơno tŭm, kum mâu kăn ƀô̆, mâu kơvâ cheăng ƀă kong pơlê tơ’lêi hlâu tung vâ ‘nâi nhên tơdroăng cheăng pêi.

 Ƀă pơkâ ‘na tối nhên, pro rế lĕm kăn ƀô̆, mâu kăn pơkuâ, Phŏ Ngế pro xiâm hnê ngăn tơnêi têa tối nhên, thế tối nhên ki tơdjâk mê, malối cho troăng hơlâ ngăn tối nhênm, ki kal pơkâ tơƀrê tung pêi pro. Khu xiâm ngăn cheăng pêi kal tơkŭm tơmâng xo tơdroăng hnê tối troh lâp lu; tung pơla tơmâng xo tơdroăng veăng hnê tối, Khu xiâm kô pơtối chêh  klêi hlá mơ-éa.