Mâu kơpong xĕn ối kuăn pơlê kô châ pêi pro a cheăm Cát Tiến, Đề Gi, Phù Mỹ Đông, Phù Mỹ Bắc, An Hòa ƀă bêng Quy Nhơn Đông, vâ tơniăn tíu ối tơniăn ăm mâu rơpŏng kuăn pơlê thế xĕn klêi kơ’nâi roh kong mêi têa lân lu pơla kố nah. Tâi tâng kơxô̆ liăn mơ’no ăm 9 khu tơmeăm lối 178 rơtal liăn, xúa kơxô̆ liăn Tơnêi têa ƀă mâu kơxô̆ liăn tro luât ki ê.

Khu pơkuâ tơdroăng tơkêa bro Pêi chiâk deăng ƀă Mơnhông thôn pơlê kong pơlê Gia Lai châ pơcháu pro khu mơ’no liăn cheăng, pêi pro mâu mơ-éa rah xo khu ki mơjiâng pro ƀă kêi đeăng hô sơ tiô pơkâ. Tơdroăng tơkêa bro tiô tối hdrối pêi pro tung hneăng hơnăm 2025 – 2026, ƀă pơkâ pêi mơdêk rak tơniăn tơdroăng rêh ối, pro tơniăn tung pêt mơjiâng tơmeăm ƀă kơdroh tơdroăng ki pơtối ai nếo tro luât ăm kuăn pơlê kơpong kong prâi pro ôh tá tơniăn.