VOV.Xơ Đăng - Roh khía mơhot, kong mêi, têa lân lu kân, ton pơla kố nah a Kơpong tơbăng Pá hdroh peăng Tơdế Tơnêi têa hiăng pro hên ngế hlâ, mơhiu hên kế tơmeăm, pro hên mâu rơpŏng kuăn pơlê ôh tá ai ki klâi xếo, mâu vâi hdrêng chiâng kuăn tê, pơlê pơla, hngêi trăng, troăng prôk, klâng chiâk, kơdrum deăng tơ’nhiê tơ’nhĕng. Ing tơdroăng hnê mơhnhôk thâ rĕng dêi Đảng, Chin phuh, ƀă tơdroăng veăng tơmâng dêi khu râ pơkuâ cheăng, Măt trâ̆n Tơnêi têa ƀă mâu kơvâ hnê ngăn, rơtế ƀă mâu kuăn pơlê tung lâp tơnêi têa hiăng teăm veăng tơlo liăn ngân, tơmeăm khoăng, kơjo kum kuăn pơlê kơpong tro têa lân lu vâ kuăn pơlê a kơpong ki mê châ rĕng vêh rêh ối, cheăng kâ tơniăn.