VOV.Xơ Đăng - Mâu hâi ki kố. a kơpong Tơdế tơnêi têa dế trâm pá xua khía mơhot kân, hên tíu tro têa lân lu tiah hngêi trăng, klâng chiâk tro têa mơhiu ó ‘nâng. Hvái ngăn peăng kong tơbăng, kuăn pơlê Tây Nguyên veăng tơlo dêi mâu phái, pôm, pơtroh tá i hiâm mơno ăm vâi krâ-nhŏng o ki trâm hên xahpá mê. Pó vâi krâ nhŏng o rơtế hmâng tơdroăng pro pơro “Hiâm mơno hơ-ui gum ing kong ngo troh a kong tơbăng” tơdroăng pơro cho vâ hnê mơhnhôk vâi krâ-nhŏng o pin kal athế ‘nâi hơ-ui pâ dêi rơpó tung pơla dế trâm xahpá.