VOV4.Xơ Đăng - Bu ối dâng 1 pơla măng tĭng ‘nôi hok tro tung lâp tơnêi têa hiăng pơtê hriâm. Kố cho hâi khế vâi hdrêng châ xah hêi ro klêi môi hơnăm hriâm tơbrê tơbrêh, la xuân cho mâu hâi khế tơbrê ƀă nôu pâ xua thế rak ngăn dêi kuăn ‘nĕng. Xua mê, mâu kơ koan khu râ pơkuâ cheăng, malối cho đoân viên droh rơtăm cho mâu ki kal tung tơdroăng tơkŭm xah hêi ro rơnó pơtê hriâm ăm mâu đoân viên vâi o ki phô̆m xông kân, mâu droh rơtăm.

VOV4.Xơ Đăng - Tung mâu hâi ki kố, lâp tơnêi têa dế pêi hên tơdroăng cheăng ‘ó haka phiu vâ koh tơbâ 134 hơnăm Hâi kot mâ Pôa Hồ Chí Minh - Kăn xiâm hnê ngăn tơnêi têa ki apoăng. Kuăn pơlê mâu hdroâng kuăn ngo a kơpong Tây Nguyên, mơhé hâi châ tơdah Pôa Hồ lăm pôu, la hiâm mơno Pôa đi đo mơhnhôk kuăn pơlê thế tơrŭm môi tuăn ƀă dêi rơpó, hriăn pêi pro tơdroăng cheăng ki ai xúa, ki nếo, mơjiâng dêi pơlê rế ton rế kro mơdrŏng lĕm, hơniâp.

VOV4.Xơ Đăng – Pêi pro Tơdroăng hơ’lêh kơxô̆ tơnêi têa troh hơnăm 2025, troăng tơmiât troh hơnăm 2030 dêi Chin phuh, mâu kong pơlê mơhnhôk kuăn pơlê ki pêi chiâk xúa kong ngê̆ kơxô̆ vâ pro hơ’lêh mâu túa pêt, mơjiâng bro, tê mơdró. Ƀă tơdroăng “Rêm ngế kuăn pơlê cho mâu ngế ki xúa kong ngê̆ kơxô̆”, vâi krâ nhŏng o kal châ hnê nhên vâ xúa kong ngê̆ kơxô̆ tung pêt, mơjiâng bro, tê tơmeăm pêi lo ing chiâk deăng. Tơdroăng pro pơro hâi kố kô tối ‘na tơdroăng mê.

VOV4.Xơ Đăng - Ôm hyô tung kuăn pơlê hiăng chiâng tơdroăng ki hmâ. Tung mâu hơnăm achê kố, a kơpong Tây Nguyên, rế hên tơmối troh ôm hyô a mâu pơlê vâ ngăn ki lĕm tro ing kong kế ƀă vâ ’nâi túa lĕm tro ki tơviah dêi mâu kuăn ngo a kố. Tiah mê, mâu túa ki lĕm tơ’mot tơmối vâ ngăn mê cho ki klâi. Pro pơro a hâi tĭng kố ai tối ‘na tơdroăng mê.

VOV4.Xơ Đăng – Tây Nguyên dế tung rơnó tôu ó. Klêi mâu rôh hriâm a lâm, a hngêi trung vâi hdrêng hmâ lăm a têa long, têa kroăng têa krông vâ hum, vâ hêi a tíu ki rơngiâp, xah a têa cho rơ-iêo khât. Ăm hlo, pơla a chê kố a kơpong Tây Nguyên pơtối ai ngế klâk têa ‘ló khéa hơ-ui ‘nâng. Tiah mê, pin thế pro tiah lâi drêng hlo ai mâu tơdroăng khéa hơ’nêng mê? Pro pơro a kơ’nâi kố, ngin vâ tối ‘na tơdroăng mê.

VOV4.Xơ Đăng – Hiăng hên hơnăm hdrối mê hía nah, hên rơpŏng kuăn pơlê a mâu pơlê pơla hngế hngo maluâ pêi cheăng kâ châ tơƀrê la xua ôh tá ‘nâi xúa liăn tro tơdroăng, vâi hmâ “mung liăn hdrối vâ roê tơmeăm”, tơdroăng pro kố xuân ối hlo hên a mâu pơlê pơla cheăm pin. Xua yă kơphế tâk chu ôh tá ‘nâi hdrối mê hiăng pro tuăn hiâm kuăn pơlê chiâng ôh ti tơnăn, ivá tơbrêi tơbrŏng pêi cheăng plâ hơnăm plâ rơnó, pro tơdroăng rêh ối dêi kuăn pơlê chiâng trâm hên pá puât, pơtối ai tơdroăng kơtiê xơpá. Pro pơro a kơ’nâi kố ngin ai tối ‘na tơdroăng mê.

VOV4.XƠ Đăng - Tây Nguyên hiăng troh rơnó tô mơdrăng khăng khoăng ó, a hên pơlê cheăm hyôh tô téa ó, ing mê, thăm tơ’lêi pro on chếo kâ kong. A mâu kơpong hngế hngo, pơlê hdroâng kuăn ngo rêh ối achê kong, tơdroăng hbrâ mơdât on chếo, tơpâ on chếo kong dế cho hnoăng cheăng ki mâu khu kăn, kơvâ ngăn kong, mâu ngế pơkuâ, rak ngăn kong ƀă vâi krâ-nhŏ ng o tơmiât hên tăng troăng vâ hbrâ pêi pro mâu tơdroăng châ teăm mơdât, ôh tá ăm on châ chếo kâ kong.

VOV4.Xơ Đăng - Tây Nguyên ai 4 to kong pơlê ai troăng tơkăng kong tơdjêp kĭng ƀă mâu kong têa pú cho Lếo ƀă Kul. Mâu hơnăm hdrối mê hía nah, khu Mố đô̆i gâk tơkăng kong mâu kong pơlê tung kơpong Tây Nguyên ôh ti xê pêi pro tro hnoăng cheăng rak vế hnoăng pơkuâ gâk kring tơkăng kong tơnêi têa, mê ối ai hên tơdroăng cheăng pêi pro tŏng kum kuăn pơlê mơnhông mơdêk cheăng kâ rêh ối pơlê pơla. Hâi kố, hâi lơ 3/3 Tơbâ 65 hơnăm Hâi mơjiâng Mố đô̆i gâk tơkăng kong ƀă 35 hơnăm Hâi tâi tâng kuăn pơlê gâk kring tơkăng kong.

VOV4.Xơ Đăng - Hâk phiu kâ báu nếo cho môi tung mâu tơdroăng po mơdĭng rơtế ƀă tơdroăng rêh ối pêi cheăng kâ dêi mâu hdroâng kuăn ngo Tây Nguyên sap ing ton nah troh nôkố. Drêng rơnó xuâ báu hiăng tâi, báu hiăng châ tâ pêng kơxâk, châ ‘măn pêng tung hnôu dêi tơrêm rơpŏng hngêi, mê vâi krâ-nhŏng o hbrâ dêi mâu í, drôu xiâm, tơxông prông, hmê châ pế ing báu nếo. Kố cho tơdroăng po mơdĭng vâ mơnê kơ khu xeăng báu ƀă mâu xeăng hiăng kum pro ăm kong mêi tro, tô ‘ló, báu, loăng plâi xông chiâng dâi lĕm, kơpâu hên, hlối rơkâu pâ ivá mo xêi tơdroăng rêh ối ai hmê kâ phâi tơtô, rêh ối hơniâp ro. Pro pơro kơ’nâi kố, ngin ai tối ‘na tơdroăng po tĭng kâ báu nếo.

VOV4.Xơ Đăng - Tơkŭm dêi rơpó tung pơlê rêm rôh ai tơdroăng mơdĭng kân cho túa lem tro tung tơdroăng rêh ối dêi mâu hdroâng kuăn ngo Tây Nguyên. Ing mâu tơdroăng mê, hên ki kơnía git túa lem tro má môi hiăng châ pơtối ‘măn rak, ing rơxông kố troh rơxông ki ê môi tiah chêng koăng, hơ’muăn hdrôu rơngê rơngôi, mâu tơdroăng rơngêi ting ting ƀă luâ tâ cho môi túa lĕm tro dêi kuăn pơlê, môi tuăn dêi rơpó tơbleăng tơdroăng ro, tối tơdroăng khéa kho. Hâi mơ’nui dêi hơnăm 2023, pó vâi krâ nhŏng o ƀă pú hmâ veăng xah ro hbrâ troh hơnăm nếo a môi pơlê Tây Nguyên tung tơdoăng rêh ối nôkố ing tơdroăng pro pơro.