VOV.Xơ Đăng - Tơmeăm ki ôh tá krúa lĕm, pro ôh tá lĕm, tơdroăng hmâ ô kâ ôh tá bê tơmâng ngăn dêi ivá tơná – dế troh rêm hơpiâp on a pơlê. Ôh tá xê to châi klêa, pro ôh tá tơniăn troăng klêa, mê ối pro hên tơdroăng ki tá ‘nâi tối hdrối ƀă ivá pơlê pơla. Klăng khế pêi pro xua rak tơniăn kế kâ, pó vâi krâ nhŏng o ƀă pú hmâ tơmâng tơdroăng pro pơro hâi kố, pó vâi krâ nhŏng o ƀă pú hmâ kô tơmâng Ƀok thái pơkeăng Y Hùng ƀă nâ nôu Men vâ tơmâng môi tơdroăng rế achê, rế vâ ‘nâi ‘na rak tơniăn krúa lĕm kế kâ – môi tơdroăng tơngah xêh kŭn laga chiâng pro tơdroăng tơdjâk kân tâng pin ôh tá vâ tơmâng.