Tơpui ƀă mâu vâi o, pôa Tô Lâm, Kăn xiâm pơkuâ hnê ngăn Đảng tối nhên, mâu vâi o kô ôh tá la lâi môi ngế xêh ƀă cho kuăn pơlê ki tŭm tung tơdroăng rêh ối pơlê pơla.

Kăn xiâm pơkuâ hnê ngăn Đảng pơkâ thế, kal mơjiâng troăng hơlâ tơdâng tơ’mô ăm hnê hriâm ki má môi, tung mê tơdjêp pơla hngêi trung ƀă hngêi pơkeăng, tíu xiâm pơlât tơdroăng châi tamo, tíu hnê mâu tơdroăng ki rơkê, pơlât châ chăn ƀă hnê cheăng pêi; thăm hnê mơjiâng thái cô ki krê, kăn ƀô̆ pơlât tơdroăng chât, hiâm mơno hriâm a hngêi trung; mơjiâng troăng ki hnê ‘na pơlât, tơmeăm hnê hriâm tơtro ƀă rêm tơdroăng; tŏng gum liăn ngân, hnoăng liăn hriâm rơkê, ƀaoh hiêm ƀă rơxế kơto ăm hok tro chó chêng tơvê kŏng a tá tíu kơdrâm kuăn pơlê rêh ối ƀă thôn pơlê, kơpong hơngế, hơngo; mơjiâng mâu tíu xiâm tŏng gum hnê hriâm ki phá tơ-ê, mơnhông mâu troăng pêi hngêi trung hriâm lĕm, tơmeăm khoăng ki kum mâu ngế chó chêng tơvê kŏng.