VOV.Xơ Đăng - Pơreăng lo xêi dế tâ tú pro rơ-iô a hên kong pơlê tung lâp tơnêi têa. A kơpong Tây Nguyên, a mâu kong pơlê Gia Lai, Dak Lak, Lâm Đồng... mâu ngế mot pơlât a hngêi pơkeăng rế hiá rế kơdrâm. Ki xiâm cho xua ing mâu nôu pâ ôh tá vâ tô tuăn, ôh tá xâu, ôh tá vâ tơmâng, lôi ton, xua tơdjâk pơreăng COVID, ôh tá vâ pâk vacxin mơdât pơreăng ăm kuăn ‘nĕng. Khu xiâm ngăn pơkeăng hiăng mơjiâng 6 khu lăm séa ngăn, hnê mơhno mâu tơdroăng hbrâ mơdât pơreăng ƀă hnê pơtâng tối thế pâk vắcxin hbrâ mơdât pơreăng lo xêi tung plâ 3 khế kố nah, la ki kal tâ tá tuăn tơmiât dêi rêm ngế nôu pâ, rơpŏng hngêi tung tơdroăng hbrâ mơdât pơreăng ăm kuăn ‘nĕng. Pro pơro hâi kố ngin ai tối ‘na tơdroăng mê.