Roh hôp tơkŭm po tung 6 hâi (sap ing hâi lơ 3 – 6/6; sap ing 9 – 10/6/2025) ƀă Vi ƀan pơkuâ Kuô̆k hô̆i mơdoh hên chôu ăm tơdroăng mơjiâng luât. A roh hôp kố, Vi ƀan pơkuâ Kuô̆k hô̆i kô tơpui ‘na 4 tơdroăng xiâm ki kal.

Mê cho tơdroăng tơkêa bro Luât ‘mâi rơnêu, tơ’nôm mâu troăng dêi luât tung kơvâ gâk kring tơnêi têa, gâk kring tơniăn; Tơdroăng tơkêa bro Rah xo bro lế lĕm tro tíu pêi cheăng tơnêi têa râ kong pơlê 2025; séa ngăn, tơbleăng ăm pêi pro ‘na pơkâ mâu pơkâ ‘na rah xo bro lế lĕm tro tíu pêi cheăng tơnêi têa râ cheăm hơnăm 2025; tơdroăng tơkêa bro Pơkâ dêi Kuô̆k hô̆i ‘na tơdroăng ‘mâi rơnêu lơ tah lôi mâu troăng pơkuâ liăn ngân, pêi lo liăn ki phá tơ-ê dêi mâu kơ koan, tíu pêi cheăng tơnêi têa; tơdroăng tơkêa bro Pơkâ dêi Kuô̆k hô̆i ‘na mơnúa mâu troăng pêi, troăng hơlâ ki phá tơ-ê, ki rơhêng vâ tối ‘na mơ’no liăn cheăng mơnhông mơjiâng pro troăng rơxế lơtreng.

Pơkâ Hnê mơhno ‘na tơkŭm po dêi Khu râ kăn Kuô̆k hô̆i, Hô̆i đong kuăn pơlê mâu râ hneăng hơnăm 2021 - 2026 klêi kơ’nâi tơmot chiâng môi tíu pêi cheăng tơnêi têa.