
Tơdroăng pêi cheăng hơnăm kố châ pêi pro ƀă dó inâi: ‘’Rơxông ối nếo Việt Nam hâk tơngăm, krá tơniăn tiô Đảng’’, mơnhông hiâm mơno pleăng hnoăng cheăng, pôu râng hnoăng cheăng, tơmiât pêi rơkê tung rơxông ối nếo; tơmiât pêi la ngiâ mâu tơdroăng hdró roh ton nah ki kal môi tiah Leh tơbâ 80 hơnăm kăch măng khế Tơheăm ƀă Hâi mơjiâng tơnêi têa 2/9, 100 hơnăm Hâi mơjiâng Khu Việt Nam Kăch măng Droh rơtăm, hâk vâ chê troh Hneăng hôp Đảng lâp tơnêi têa roh má XIV (hneăng hơnăm 2025 – 2030).

Troh veăng ƀă xông tơpui a roh leh, pôa Đỗ Văn Chiến, Kăn xiâm hnê ngăn Vi ƀan Măt trâ̆n tơnêi têa Việt Nam kheăn kơdeăn hiâm mơno djâ troăng ahdrối, tơmiât pêi rơkê dêi droh rơtăm lâp tơnêi têa ƀă pơkâ thế mâu râ, kơvâ cheăng pơtối pro tơ’lêi hlâu droh rơtăm mơnhông hnoăng tung mơnhông cheăng kâ – rêh ối pơlê pơla, pơhlêh xúa kŏng ngê̆, rak vế kong prâi, mơjiâng thôn pơlê nếo ƀă tŏng gum vâi hdrêng, ki rơhêng vâ tối a kơpong hơngế, hơngo, tơkăng kong, rơlố.
Tơdrêng amê tối rơdêi hnoăng ki kal dêi khu tơrŭm cheăng. Đoân Droh rơtăm tung tơdroăng mơnhông ivá ó rơdêi ƀă pói vâ pleăng hnoăng cheăng dêi rơxông ối nếo tung chal nếo.
Viết bình luận