Tung mê, ai péa tơdroăng tơkêa bro ki kal cho troăng tơƀai hdrâp kơxô̆ 2 ƀă mâu troăng prôk troh a kơno tuk tơraih tơƀai Phù Cát (tâi tâng kơxô̆ liăn ‘no pro lối 3.200 rơtal liăn) ƀă pro kơpong hngêi kơmăi Phù Mỹ... Pakĭng mê kong pơlê pơxiâm pro 6 tơmeăm khoăng, mê cho:  Kơpong uâ pơliê pro ‘măn kế tơmeăm pê lo ing chiâk deăng, loăng tơkŭm pêi pro Vinanutrifood, Mơjiâng pro ƀă Tê mơdró tơmeăm khoăng kih thuât kơpong hngêi kơmăi Bình Thành, tơdroăng tơkêa bro troăng tơdjêp ƀă troăng peăng mâ Hâi Lu kong pơlê troh troăng kĭng têa kơxĭ a kơpong Phù Mỹ.

Pro tê mơdró tơmeăm khoăng kih thuât kơpong hngêi kơmăi Cát Hiệp, Kơpong hngêi kơmăi Cát Hanh, pro troăng ví peăng hdroh pơlê kân Phú Phong. Mâu tơmeăm khoăng mê ôh ti xê to vâ rế lĕm mâu troăng prôk - troăng tơƀai kơtâu vâ kơneăng mê ối  po troăng prôk ki nếo ăm tơdroăng cheăng ƀă kơmăi kơmok, logistics ƀă on tơhrik krúa dêi kong pơlê.