VOV.Xơ Đăng - Tung rêm rơpŏng hngêi, tơdroăng ki hơniâp ro ôh tá xê lo ing mâu tơdroăng ki kân mê ối châ mơjiâng tơbêng ing tơdroăng ‘nâi tơmâng ngăn, hnê tối ăm dêi rơpó ‘na mâu tơdroăng pêi pro tung rêm hâi. Mơhé ti mê, a tíu ki 'nâ xuân ối tơmiât tơdroăng pêi viâ tung rơpŏng hngêi cho tơdroăng cheăng pêi dêi vâi kơdrâi, ối vâi kơnốu bu kal pêi to tơdroăng ki kân tê. Tiah mê drêng prế on veăng rơtế veăng pêi mâu tơdroăng cheăng tung hngêi, rơpŏng ngêi kô pơ’lêh tiah lâi drêng ngế kơdrâi veăng pêi tơdroăng cheăng pơlê pơla? Pó vâi krâ nhŏng o ƀă pú hmâ rơtế tơmâng tơdroăng pro pơro "Môi mơno mơnhông rêh ối rơpŏng hngêi".