VOV.Xơ Đăng - Hâi ki kố kơtăn kố klăng 80 hơnăm, pôa Hồ pơtroh kơthô ăm hneăng hôp mâu hdroâng mơngế peăng Hdroh tơnêi têa, a Pleiku (kong pơlê Gia Lai). Tơheăm chât hơnăm hiăng luâ, la mâu rơkong ki Pôa tối pơchân xuân ối kơnía, ai pơxúa. Ing mâu tơdroăng hnê pơchân nhên khât mê, kuăn pơlê mâu hdroâng kuăn ngo Tây Nguyên hiăng mot môi tuăn dêi rơpó, rơtế ƀă dêi rơpó tơkâ luâ tơdroăng tơplâ, kring vế dêi pơlê pơla, mơjiâng tơdroăng rêh ối phâi tơtô, hơniâp ro; tơxâng ƀă kơpong tơnêi “Kong mêa, têa kơxĭ hâu’’ hên túa lĕm tro ƀă tuăn pâ. Tơdroăng mê châ mơhno tơbleăng ing tơdroăng pro pơro “80 hơnăm - Rơkong Pôa Hồ pơchân tung dế kơpong kân rơdâ”.