VOV.Xơ Đăng - Ing radio ki hmâ hmâng troh phôn râng kŏng rêm hâi, túa kuăn pơlê vâ ‘nâi mâu tơdroăng hiăng hên ki pơ’lêh. La mơhé tung rơ’jiu lơ tung măng, mâu ngế chêh hlá tơbeăng xuân mơ-eăm tơbleăng tối tơdroăng nhên tro, ai pơxúa troh kuăn pơlê. Drêng troh tơbâ 101 hơnăm Hâi Hlá tơbeăng Kăch măng Việt Nam, pó vâi krâ nhŏng o ƀă pú hmâ kô tơmâng tơdroăng pro pơro “Ing hyôh rơ’jiu troh tung măng”.