Pơtối mê, Vi ƀan tơmâng xo rơkong kuăn pơlê tơpui pâ thế ƀă Séa ngăn pâ thế Chin phuh hnê mơhno thâ séa ngăn, mơnhên inhên rôh tơdroăng tíu tơ’noăng môn Toán ti chiâng a Tuyên Quang; thăm tơplâ mơdât ƀă tơdroăng pêt mơjiâng tơmeăm, tê mơdró kế tơmeăm ki ôh tá xê khât, tơmeăm ki ôh tá xê păng ‘nâng, pơkeăng ki ôh tá xê khât; thăm hbrâ, mơdât pơreăng tơngê lo mơheăm; pơxâu phâk tơdroăng pro xôi tung tơdroăng in mơ’no; tơkŭm séa ngăn, xo tơvêh kế tơmeăm tung mâu rôh ki lu lêa tiô troăng “Vâ môi tuăn tơkêa hneăng pơtê’’; tơdrêng amê tơniăn hbrâ tơpâ mơdât on chếo, troăng klông ƀă tơleăng tâi tâng mâu rôh tơdroăng xăm tối kơdrâm mơngế, pro mơdon.

Xuân a rôh hôp, Vi ƀan pơkuâ Kuô̆k hô̆i tơpui ‘na mâu tơdroăng tơkêa bro Luât ‘mâi rơnêu, tơ’nôm mâu troăng dêi Luât Hngêi arak liăn Tơnêi têa Việt Nam; Luât hbrâ, mơdât pro liăn ki ‘mêi chiâng liăn ki lĕm; Luât tơbleăng, hnê hriâm luât (‘mâi rơnêu); Luât tơleăng a pơlê xiâm (‘mâi rơnêu) ƀă mâu tơdroăng ki xiâm kal ki ê.