Tơdroăng kố cho ing tơdroăng ăm ‘nâi dêi pôa krâ Sô Hỗn, 96 hơnăm, cho ngế ki tơpui pơtroh tơdroăng kal tung tơplâ xâ Mih tơbleăng ăm. Tiô tơdroăng ki pâ vế dêi pôa, hên mố đô̆i tro rong hlâ tung pơla dế pơlât a Tíu pơlât Trúc Bạch pơla hơnăm 1968 – 1969 hiăng châ tâp ‘mế a kơpong kố. Vâ lăm troh a tíu ki tơplâ mê, khu lêng ki tăng chiâ hiăng prôk tơkâ luâ lối 5km troăng tung kong, prôk tơkâ luâ têa plông, hếo ngo vâ chê 2 chôu. Klêi kơ’nâi hên chôu tí tăng, khu ki ai tơdjâk troh hiăng châ hlo ƀă chiâ xo 2 to kơxêng kiâ mố đô̆i ki tá hâi ‘nâi inâi, xuân ối châ tâ tung kơdtung ki tâ mâu ngế hlâ rơtế ƀă mâu kế tơmeăm ki vâ mơnhên.

Kố cho tơdroăng ki tối rơdêi ki pơxúa dêi cheăng tí tăng ‘nâi tơdroăng kal sap ing mâu ngế ki châ hlo châ ‘nâi gum ăm hnoăng cheăng tí tăng, tơkŭm kơxêng kiâ mố đô̆i.