VOV.Xơ Đăng - Kơxê hâi lơ 27/5, pôa Trần Thanh Mẫn, Kăn xiâm hnê ngăn Kuô̆k hô̆i pơkuâ hôp Vi ƀan pơkuâ cheăng Kuô̆k hô̆i, ăm hnê tối ‘na tơdroăng chêh Pơkâ mơnúa pêi pro mâu luât pơkâ ki krê ‘na mơnhông pro hngêi ối pơlê pơla.

VOV.Xơ Đăng - Tơdroăng pơkâ 198 hiăng châ Kuô̆k hô̆i mơ’no tơbleăng a hâi lơ 17/5/2025, ‘na mâu troăng hơlâ, túa cheăng ki tơviah tung mơnhông pêi cheăng kâ krê, dế thăm mơhnhôk túa pêi pro ki nếo tung khu mơdró kâ tung lâp tơnêi têa. A Gia Lai, mâu ngế ki pêi cheăng kâ krê tơdah rak vế, pêi pro tiô Tơdroăng pơkâ kố ƀă tuăn loi ƀă pói tơngah kô châ ai túa tê mơdró kâ la ngiâ kô tơ’lêi hlâu, tơdrăng khât, mơjiâng troăng hơlâ vâ khu mơdró kâ mơngế krê châ mơnhông tơtêk ó.

VOV4.Xơ Đăng - Kong pơlê Kon Tum pơkâ pêi tơdroăng troh mơ’nui khế 6 la ngiâ kô pro têa klêi hngêi ối pơtân, xi kơchoh ăm kuăn pơlê.

VOV.Xơ Đăng - Kơxo lơ 21/5, Khu pơkuâ hnê ngăn Đảng, Hô̆i đong hnê ngăn, Vi ƀan hnê ngăn, Vi ƀan Măt trâ̆n Tơnêi têa Việt Nam kong pơlê Dak Lak tơkŭm po leh diâp inâi hâk tơngăm Tơnêi têa “Jâ nôu Việt Nam khên tơnôu” ƀă diâp pri râ Tơnêi têa.

VOV.Xơ Đăng – Pêi pro tơdroăng têa tah hngêi ối pơtân, xi kơchoh xua Chin phuh tơbleăng, Khu xiâm ngăn Kŏng an hiăng tơrŭm ƀă mâu kong pơlê tơbleăng tơdroăng pro lối rơpâu toăng hngêi tơrŭm ăm rơpŏng kơtiê, vâ chê kơtiê, rơpŏng châ tơnêi têa gum ƀă kuăn pơlê hdroâng kuăn ngo a mâu kong pơlê Tây Nguyên. A Dak Nông ƀă Gia Lai, lối rơpâu toăng hngêi krá kâk hiăng ƀă dế châ pro klêi, gum kuăn pơlê tơniăn rêh kâ ối, mơnhông cheăng kâ ƀă mơnhông tơdroăng loi tung mâu troăng tŏng gum pơlê pơla dêi Đảng, Tơnêi têa.

VOV.Xơ Đăng - Vi ƀan kong pơlê Dak Lak nếo ai mơ-éa pơtroh mâu khu, kơvâ cheăng, Vi ƀan mâu tơring, pơlê kong krâm, pơlê kong kơdrâm ƀă mâu tíu pêi cheăng tơnêi têa, pơkâ pêi pro kơtăng troăng hơlâ, troăng mơhá liăn tơdjâk troh tơdroăng rah xo bro lế lĕm tro khu pêi cheăng tơnêi têa tiô hnê mơhno dêi Chin phuh ƀă Khu xiâm pơkuâ kăn ƀô̆.

VOV.Xơ Đăng - Kơxo lơ 19/5, Khu ngăn vâi kơdrâi kong pơlê Gia Lai mơgêi tơdroăng “Nôu râng ko” pơla hơnăm 2021 – 2025.

VOV.Xơ Đăng – Măng tĭng hdrối, xua tơdroăng pơkuâ dêi Pôa Trần Thanh Mẫn, Kăn xiâm hnê ngăn Kuô̆k hô̆i, Rôh hôp má 45 dêi Vi ƀan pơkuâ Kuô̆k hô̆i hiăng pi hên tơdroăng ki kal hbrâ ăm rôh má 2 Hneăng hôp má 2. Tung tơdroăng pêi cheăng kơtăng, khŏm mơeăm tơdroăng kal kí châ mơhno nhên ing tơdroăng ăm rơkong tơpui tối ‘na mâu tơdroăng ki pơxúa ‘na kal kí – luât, malối tung mê ai tơdroăng ki séa ngăn ‘mâi pơhlêh, ‘mot tơ’nôm mâu tơdroăng dêi Luât hơnăm 2013 ƀă chêh pro Pơkâ ‘na tŏng gum mơnhông cheăng kâ krê.

VOV.Xơ Đăng - ­Riân troh hâi lơ 15/5, lâp kong pơlê Gia Lai hiăng pơxiâm mơjiâng pro ƀă rơnêu 7.424 toăng hngêi pơtân, hngêi xi kơchoh, châ lối 91% pơkâ pêi.

VOV.Xơ Đăng - Khu xiâm ngăn Kŏng an hiăng mơhnhôk tơlo ƀă diâp 30 rơtal liăn vâ gum pro 500 toăng hngêi ăm rơpŏng kơtiê, vâ chê kơtiê ƀă rơpŏng châ tơnêi têa gum xơpá ‘na hngêi ối a kong pơlê Dak Nông.