VOV4.Xơ Đăng - Rơtế ƀă hnoăng cheăng khăm pơlât ivá ăm kăn ƀô̆, lêng mố đô̆i gâk tơkăng kong, khu ƀok thái pơkeăng Mố đô̆i gâk tơkăng kong dêi kong pơlê Gia Lai ối veăng khăm pơlât ivá ăm kuăn pơlê a tơring cheăm. Ƀă mâu ƀok thái pơkeăng krâ kơlŏng ngiât, gum kuăn pơlê kơpong tơkăng kong ôh ti xê to khăm – pơlât mê ối hnê tối, mơhnhôk kuăn pơlê hlê tâ ‘na tơdroăng ki rak ngăn ivá, hbrâ mơdât pơreăng, tơbêng tơdroăng loi dêi vâi krâ nhŏng o a khu lêng mố đô̆i gâk tơkăng kong. Drêng tơbâ 80 hơnăm hâi mơjiâng khu lêng kuăn pơlê Việt Nam, Hoàng Qui, ngế chêh hlá tơbeăng a kơpong Tây Nguyên -Rơ’jiu Việt Nam ai ƀai chêh “Hiâm mơno ƀok thái pơkeăng krâ kơlŏng ngiât a tíu tơkăng kong Gia Lai”.

VOV4.Xơ Đăng - Hô̆i đong hnê ngăn kong pơlê Gia Lai nếo pơkâ ‘na troăng hơlâ tŏng gum liăn, tơ’mot ƀă hnê ăm mâu ngế cheăng pro ƀok thái pơkeăng a mâu tíu khăm pơlât kong lâ̆p pơla hơnăm 2025 – 2030.

VOV4.Xơ Đăng – Hâi lơ 17/12, Ƀinh đoân 15 tơkŭm po phiu ro hiăng kêi đeăng ƀă pơcháu 3 toăng kuât khôi túa lĕm diâp ăm vâi krâ kuăn pơlê Jarai a 3 cheăm tơkăng kong dêi kong pơlê Gia Lai.

VOV4.Xơ Đăng - A Hneăng hôp má 9, Hô̆i đong kuăn pơlê kong pơlê Dak Lak hneăng má X nếo tơbleăng ăm pêi pro Pơkâ ‘’Pơkâ troăng hơlâ tŏng gum tơ’nôm ƀă kăn ƀô̆, kŏng chưk râ cheăm, viên chưk; mơngế pêi cheăng, mơngế pêi cheăng ôh tá pêi inhên môi tơdroăng cheăng a râ cheăm rơlối xua rah xo bro lế lĕm tro tíu pêi cheăng râ cheăm hneăng hơnăm 2023 – 2030 tung kong pơlê Dak Lak.

VOV4.Xơ Đăng - Hô̆i đong hnê ngăn kong pơlê Gia Lai nếo pơkâ Tơdroăng pơkâ thế tŏng gum kăn ƀô̆, kong chưk, viên chưk ƀă ngế pêi cheăng ôh tá hmâ rơlối xua ‘mot tơkŭm tíu pêi cheăng râ cheăm tung pơla hơnăm 2023 – 2025 kô châ gum hên cho dâng 100 rơtuh liăn tung môi ngế.

VOV4.Xơ Đăng -  Klăng leh tơbâ 80 hơnăm Hâi mơjiâng Khu lêng kuăn pơlê Việt Nam, Vi ƀan kong pơlê Dak Lak nếo tơkŭm po trâm mâ mâu kăn ƀô̆ râ xiâm, kăn pơkuâ lêng hiăng pơtê cheăng xua hơnăm hiăng krâ, pơtê tơdroăng cheăng.

VOV4.Xơ Đăng - Kơxê hâi lơ 15/12, a pơlê kong kơdrâm Ƀuôn Ma Thuột po  tơdroăng trâm mâ ƀă khĕn kơdeăn mâu sinh viên kuăn ngo kong pơlê  ‘’Dak Lak rôh má 16’’.

VOV4.Xơ Đăng - Măng tĭng hdrối, a roh hôp má 40, Vi ƀan hnê ngăn Kuô̆k hô̆i hiăng vêh mơnhên ngăn, tối tơbleăng ‘na hnoăng cheăng pêi pro tiô tuăn mơno kuăn pơlê dêi Kuô̆k hô̆i khế 10 ƀă khế 11 hơnăm kố. Vi ƀan hnê ngăn Kuô̆k hô̆i hiăng pâ thế: Tơdroăng ki vêh ‘mâi rơnêu, xing xoăng hnoăng cheăng pơkuâ ngăn, cheăng kal kí, la iâ mơngế, kal athế pơkâ pêi pro kơtăng khât ƀă châ tơ’lêi vâ mơhnhôk, tŏng gum ăm khu kăn ƀô̆ tung tơdroăng ki ‘mâi rơnêu, xing xoăng hnoăng cheăng ăm mâu kăn ƀô̆, mơngế pơkuâ, mơngế cheăng.

VOV4.Xơ Đăng - Ƀă tơdroăng veăng tŏng gum dêi mâu kăn ƀă mâu kơvâ cheăng, ing apoăng hneăng hôp kân Đảng ƀô̆ rôh má 16, mê troh nôkố tơdroăng rak ngăn kring vế, mơnhông pêt kong a kơpong kuăn ngo a kong pơlê ai hên ki pơhlêh. Ƀai chêh ‘’Pêt kong ăm rơngiâp lĕm tơnêi ngo lĭng kum ai cheăng pêi tơniăn a kơpong kuăn ngo tung kong pơlê Kon Tum” kơ’nâi kố ai tối tơdroăng mê.

VOV.Xơ Đăng - Măng ting hdrối, klêi kơ’nâi mơgêi Hneăng hôp má 8, Kuô̆k hô̆i hneăng 15, pôa Phan Đình Trạc, Ngế cheăng tung khu xiâm kal kí, cheăng tung Khu xiâm pơkuâ hnê ngăn Đảng, Kăn pơkuâ ngăn Khu hnê mơhno cheăng pơkuâ ngăn ‘na mơngế, kế tơmeăm dêi tíu xiâm tơnêi têa rơtế ƀă mâu kăn Kuô̆k hô̆i kong pơlê Lâm Đồng hiăng trâm mâ kuăn pơlê a mâu tơring cheăm dêi kong pơlê Lâm Đồng. Kuăn pơlê Lâm Đồng hiăng tối hên mâu tơdroăng ki kal, tung mê ai tơdroăng ki thăm gum ‘na cheăng kâ, rêh ối dêi kuăn pơlê ƀă hnoăng cheăng pơkuâ rak ngăn kong, tơdroăng ki pro pá puât ăm kuăn pơlê tung rêm roh chêh bro hlá mơ-éa.