VOV4.Xơ Đăng - Mâu hơnăm hiăng hdrối mê hía nah, pơlê kong krâm Ƀuôn Hồ, kong pơlê Dak Lak hiăng tơkŭm pêi pro mâu tơdroăng vâ mơnhông pêi cheăng kâ-rêh ối pơlê, chôa ‘lâng pơhlêh kơlo cheăng dêi kuăn pơlê. Tơdroăng cheăng kâ hiăng châ tơtêk mê, vâi krâ-nhŏng o mâu pơlê cheăm thăm rế tơniăn mô hiâm mơno vâ tơrŭm cheăng, veăng ‘no dêi ivá mơjiâng pơlê rế hiá rế krá tơniăn, veăng mơnhông pơlê kong krâm Ƀuôn Hồ chiâng môi kong pơlê ki kro mơdrŏng kân dêi kong pơlê.

VOV4.Xơ Đăng - Klêi kơ’nâi Hneăng hôp má 7, Kuô̆k hô̆i hneăng 15 hiăng klêi, Khu kăn teăng mâ Kuô̆k hô̆i mâu kong pơlê a kơpong Tây Nguyên hiăng tơkŭm trâm mâ kuăn pơlê. A mâu roh trâm mâ, kuăn pơlê hiăng mơhno tối tơdroăng ki hơniâp ro drêng Kuô̆k hô̆ hiăng mơ’no mâu tơdroăng pơkâ ki kal vâ thăm mơdêk Tây Nguyên châ mơnhông. Tơdrêng amê, pơtối mơhno tối hên tơdroăng ki ôh tá tơniăn a kong pơlê, kal athế châ tŏng gum, tơleăng mơnhên.

VOV4.Xơ Đăng - Sap apoăng hơnăm troh nôkố, mâu khu mơdró tung kong pơlê Dak Lak hiăng mơnhông pro tơmeăm ƀă tăng mơngế pêi cheăng. Mâu kŏng ti tơbleăng kơlo liăn khế ƀă hên tơdroăng tŏng gum la xuân ối trâm hên xơpá tung tơdroăng tăng mơngế pêi cheăng.

VOV4.Xơ Đăng - Kơxê hâi lơ 4/7, a Plei Ku, kong pơlê Gia Lai, Khu tơ’noăng kơxô̆ 3, Kŏng đoân Viên chưk Việt Nam tơkŭm po diâp liăn gum pro hngêi tuăn pâ  ăm 1 ngế đoân viên kŏng đoân ƀă hbru 300 to theh ƀaoh hiêm khăm pơlât ăm  mâu ngế kuăn ngo ki kơtiê xơpá.

VOV4.Xơ Đăng - Tơmiât troh koh tơbâ 80 hơnăm Hâi mơjiâng Khu lêng kuăn pơlê Việt Nam ƀă 35 hơnăm hâi mơjiâng ƀă hâi lâp kuăn pơlê veăng pring vế, gak ngăn tơnêi têa, pơla hdrối kố nah, Khu pơkuâ ngăn lêng tơkuăm po tơdroăng trâm mâ mâu ngế ki kơhnâ rơkê “Bâ eăng hiâm mơno lĕm Mô đô̆i Pôa Hồ”. Ing mê vâ pro mơnhên ki lĕm tro dêi “Mố đô̆i pôa Hồ” châ tơkuăm ing tơdroăng pâ nhuô̆m tơnêi têa dêi hdroâng mơngế; tơdroăng hnê ‘măn, rơnêu pât ki Đảng pin ƀă Hồ Chí Minh - Kăn xiâm hnê ngăn tơnêi têa hneăng apoăng hiăng hnê mơhno, bro mơjiâng.

VOV4.Xơ Đăng - Hâi lơ 2/7, Khu râ kăn teăng mâ Kuô̆k hô̆i kong pơlê Gia Lai hiăng ai roh trâm mâ kuăn pơlê a tơring Krông Pa ƀă Pơlê krâm Ayun Pa.

VOV4.Xơ Đăng - Kơxo lơ 2/7, a Pơlê kong kân Cần Thơ, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu râ kăn pêi cheăng hiăng lăm pôu, diâp kơxuô tơmeăm rơpŏng ai troăng hơlâ tơnêi têa tŏng kum, mơngế ai hnoăng ƀă kăch măng ki má môi klăng roh leh tơbâ 77 hơnăm hâi mô đô̆i rong râ hlâ hía.

VOV4.Xơ Đăng - Klăng leh tơbâ 77 hơnăm Hâi mô đô̆i rong râ – Hlâ hía, kơxo hnah, lơ 1/7, a kong pơlê Hậu Giang, pôa Trần Thanh Mẫn, Kăn xiâm hnê ngăn Kuô̆k hô̆i hiăng lăm pôu, diâp kơxuô tơmeăm khoăng mâu Nôu Việt Nam khên tơnôu, mâu mô đô̆i rong râ, châi tamo, mâu rơpŏng ai troăng hơlâ tŏng kum, mơngế ai hnoăng ƀă kăch măng kong pơlê Hậu Giang.

VOV4.Xơ Đăng - Mơnhông ivá hơnăm ối nếo, hiâm mơhno pleăng hnoăng cheăng xua pơlê pơla, a cheăm kơpong hơngế hơngo đông kăch măng Đăk Kôi, tơring Kon Rẫy, Khu pơkuâ Đoân Droh rơtăm Kon Tum tơrŭm ƀă Khu pơkuâ Đoân Droh rơtăm Đồng Nai tơkŭm po lo lăm pleăng hnoăng cheăng “Hneăng pơtê pleăng mơheăm’’.

VOV4.Xơ Đăng - Tung hơnăm hdrối, hên kong pơlê tung kơpong Tây Nguyên hiăng tơkŭm po Hneăng hôp mâu  hdroâng kuăn ngo râ tơring. Tơbleăng a mâu rôh hôp ăm hlo, mâu tơring kong pơlê hiăng tơkŭm ‘no liăn mơnhông cheăng kâ - rêh ối kơpong hdroâng kuăn ngo. Pa kĭng tơdroăng tăng cheăng pêi  vâ ai kế kâ, kum kuăn pơlê pơhlêh tuăn tơmiât, túa pêi cheăng, mơnhông cheăng kâ tung rơpŏng hngêi; pơtối râk túa lĕm tro ton nah dêi hdroâng kuăn ngo.